“JARA” Monakoda qonaq oldu

JARA Beynəlxalq Musiqi festivalının çərçivəsində Azərbaycanın xalq artisti Emin Ağalarov, Rusiyanın xalq artisti Valeriya, Ukraynanın xalq artisti Ani Lorak və Rusiyanın əməkdar artisti Valeriy Meladze Monakoda böyük konsertlə çıxış ediblər.

Versus.Az-ın məlumatına görə, dünyanın bir çox ölkələrindən Monakoya gələn turistlər və yerli əhali bu çıxışları böyük maraqla izləyiblər. Konsert, məşhur Sporting Monte-Carlo konsert kompleksinde baş tutub. İlk dəfə olaraq, tanınmış dörd ifaçı, birləşərək həm öz xitlərini, həm də duetlərini təqdim ediblər.

Bununla qastrol səyahəti bitmir... Hələ irəlidə neçə ölkə və şəhərlər ifaçıların solo konsertlərinin şahidi olacaq... Və əlbəttə ki, iyulun 25, 26, 27 və 28-də Bakıda keçirilən JARA Beynəlxalq Musiqi festivalı hamını Xəzərin sahilinə toplaycaq.

Ayəndə Dadaşova
Versus.Az