Sabiq deputata qarşı dələduzluq edən şəxs azadlığa buraxıldı

12:31 23-05-2019 | icon 439 | Hadisə
Sabiq deputata qarşı dələduzluq edən şəxs azadlığa buraxıldı

Ümid Partiyasının sədri, keçmiş deputat İqbal Ağazadəyə qarşı da dələduzluq etmiş şəxs hakim qarşısına çıxarılıb.

 

Versus.Az musavat.com-a istinadən xəbər verir ki, Bakı Ağır Cinayətlər Məhkəməsində külli miqdarda dələduzluqda ittiham edilən 1975-ci il təvəllüdlü Tağıyev Sərmas Abbas oğlunun cinayət işi üzrə məhkəmə iclası başlayıb.

 

Hakim Rahib Aslanovun sədrliyi ilə keçirilən məhkəmə iclasında elan olunub ki, İqbal Ağazadə Sərmas Tağıyevi bağışlayıb.

 

Sabiq deputat məhkəməyə göndərdiyi barışıq ərizəsində qeyd edib ki, 3 uşağının olması, yoldaşının xəstə olması nəzərə alınaraq Sərmas Tağıyevi həbslə bağlı olmayan cəza təyin edilsin.

 

 

Məhkəmənin davamında Sərmas Tağıyevin vəkili müdafiə çıxışı edib. Tərəflər arasında barışığın olmasını xatırladan vəkil müdafiə etdiyi şəxsə şərti cəza verilməsini istəyib.

Sərmas Tağıyev isə son sözündə əməlindən peşman olduğunu söyləyib.

Məhkəmə müşavirədən sonra hökmü elan edib. Hökmə əsasən S.Tağıyev 5 il 6 ay müddətinə azadlıqdan məhrum edilib. Barəsində Cinayət Məcəlləsinin 70-ci (şərti) maddəsi tətbiq edilib və məhkəmə zalından azadlığa buraxılıb.

 

Sərmas Tağıyev barəsində Cinayət Məcəlləsin 178.3.2-ci (dələduzluq, külli miqdarda ziyan vurmaqla törədildikdə) maddəsi ilə ittiham irəli sürülüb.

S.Tağıyev iş görmək adı ilə ayrı-ayrı şəxslərə qarşı dələduzluq edib. Zərərçəkmişlərdən biri də Ümid Partiyasının sədri İqbal Ağazadədir. Sabiq deputat təqsirləndirilən şəxsdən şikayətinin olmadığını deyib.

Qeyd edək ki, S.Tağıyev daha əvvəl də eyni maddə ilə mühakimə olunub. O, 5 avqust 2015-ci il tarixdə Bayram Hüseynovun oğlu Ramin Hüseynlinin adına ipoteka fondundan 70 min manat kredit götürməyə kömək edəcəyini vəd verib və 4 min manat pul alıb.

 

Bundan başqa, S.Tağıyev 18 avqust 2015-ci il tarixdə İbrahim Cəbiyevə ipoteka fondundan 50 min manat kredit götürəcəyini vəd edərək, Abşeron rayonu Xırdalan şəhəri Dövlət Əmlak Agentliyinin inzibati binasında yerləşən ev alqı-satqı ofisində 10 min manat pul alıb.

Bakı Ağır Cinayətlər Məhkəməsinin hökmü ilə S.Tağıyev 8 il müddətinə azadlıqdan məhrum edilib. O, hökmdən narazı qalaraq apellyasiya şikayəti verib və cəzasının yüngülləşdirilməsini istəyib.

 

Sumqayıt Apellyasiya Məhkəməsinin qərarı ilə S.Tağıyevin barəsində Cinayət Məcəlləsinin 70-ci (şərti məhkum etmə) maddəsi tətbiq edilib, o azadlığa buraxılıb.

 

Versus.Az

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

İtlər hətta simvolları da anlayırlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Gimnastlarımız Dünya Kubokunda finala yüksəliblər

Dəri problemlərindən mərciməklə xilas olun

Bu iki ədviyyatı birgə istifadə edin

Ən sürətli qol