Emin Ağalarovun “NEJNAYA”sı

Azərbaycanın xalq artisti Emin Ağalarov “Nejnaya” (“Zərif”) adlı yeni yay mahnısını dinləyicilərinə təqdim edib.

Versus.Az xəbər verir ki, bu mahnı Eminin repertuarında olan mahnılarla müqayisədə rəqs ritmi ilə seçilir.

Mahnı artıq bütün rəqəmsal platformalardan yüklənməyə hazırdır və əminliklə demək olar ki, yayın ən sevimli hitinə çevrıləcək.

Mahnının mətni və melodiyası gənc qəlbin ehtiras və hisslərindən xəbər verir. İfaçı da bu mahnını ifa edərkən, sanki bir az həmişəki obrazından az da olsa uzaqlaşır.

Mahnının müəllifləri Vladimir Çinyayev, Aleksandr Lev Konovalov, Polina Qudiyeva, Aleksandr Jvakindir.

Mahnı, iyunun 14-də Shore House-da Emin Ağalarovun solo konsertində ilk dəfə təqdim olunacaq. Həmçinin, “Zərif” mahnısı “Good Love 2019” turunun siyahısına daxil olacaq.

Ayəndə Dadaşova
Versus.Az