Bağçada uşağı təhqir edən tərbiyəçi qovuldu

 

Versus.Az xəbər verir ki, Bakının Suraxanı rayonu Zığ qəsəbəsində yerləşən 331 saylı uşaq bağçasında qeydə alınan video geniş müzakirələrə səbəb olub. Videonun rezonans doğurmasının səbəbi müəllimə tərəfindən çəkilməsi və valideynlərin "WhatsApp" qrupuna səhvən atılması olub. Videoda müəllimənin şəkil çəkməsinə mane olan qızcığaz təhqir olunur.

Verilən məlumata görə, Bakı Şəhər İcra Hakimiyyətinin Məktəbəqədər Təhsil Müəssisələri və Uşaq Evləri İdarəsindən Modern.az-ın sorğusuna cavab olaraq bildirilib ki, uşaq bağçasında müəllimin uşaqları təhqir etməsini əks etdirən video yayıldıqdan sonra məsələ araşdırılıb:

“Hadisədən sonra Zığ qəsəbəsi 331 saylı bağçada 3 ildir çalışan tərbiyəçi Lalə Novruzova işdən azad olunub. Bağçanın müdirinə töhmət verilib”.

Versus.Az