Ön cəbhəyə səfər təşkil olunacaq

Azərbaycan Respublikası "Xocalı Soyqırımını Tanıtma", "Yeni Yurd" Sosial İnkişaf, "Sosial Rifah və Tədqiqatlar" ictimai birlikləri, "Qarabağ Müharibəsi Əlilləri, Veteranları və Şəhid Ailələri" Birliyinin Nizami və Cəbrayıl rayon şöbələri,"Azərbaycanın Milli Qəhrəmanı Asif (Fred) Məhərrəmov adına İnkişaf Fondu" habelə, Abşeron rayon Təhsil şöbəsinin birgə təşkilatçılığı ilə cəbhə bölgəsindəki hərbi hissələrdən birinə səfər təşkil olunacaq.

Bu barədə Versus.az-a "Xocalı Soyqırımını Tanıtma" ictimai birliyinin İctimaiyyətlə Əlaqələr Departamentindən bildirilib. Məlumata görə, tədbir iştirakçıları ön xətdə xidmət edən ərənlər qarşısında maraqlı ədəbi-bədii gecə təşkil edəcək, məşhur Lələtəpə yüksəkliyinin fatehlərilə görüş keçiriləcək. Eyni zamanda, Lələtəpə yüksəkiyini azad edərkən şəhid olmuş soydaşlarımızın xatirəsinə ucaldılan abidəni də ziyarət edəcəklər.

İLAHƏ
Versus.Az