ALDP gəncləri ali məktəblərdə rüşvətxorluq hallarından narahatdır

Azərbaycan Liberal Demokrat Partiyasının (ALDP) Gənclər Təşkilatının (GT) sədri Murad Əliyev təşkilatın Rəyasət Heyətinin iclasını keçirib.

Versus.az-ın məlumatına görə, iclasda GT fəaliyyəti, təhsil sistemində mövcüd olan problemlər müzakirə olunub. Murad Əliyev bildirib ki, bu gün istər orta məktəblərdə, istərsə də ali təhsil ocaqlarında islahatların lənq aparılması, dərsliklərin dövrün tələblərinə cavab verməməsi, onların yenilərilə əvəz edilməməsi, şaqird və tələbələrin maariflənməsində maneələr yaradır:

"Təhsil ocaqlarında mənəvi dəyər və milli adət-ənənələrimizin təbliği, hərbi vətənpərvərlik ruhunun tədris səviyyəsi, ali məktəblərdə rüşvətxorlug və korrupsiya halları, təhsil qanunun təkmilləşdirilməməsi biz gəncləri narahat etməlidir”.

ALDP GT sədri qeyd edib ki, ideoloji əsası və mənavi dəyərləri olmadan yetişən və ya bu iki dayağı zərərli təsirlərlə formalaşan nəsil ölkəni heç bir nailiyyət və yüksəlişə çatdıra bilməz.

İclasda təhsildə mövcüd olan problemlərlə bağlı təkliflərin Təhsil Nazirliyə göndərilməsi qərar qəbul olunub.

Sevda
Versus.Az