“Microsoft Imagine Cup” müsabiqəsinin seçim mərhələsi ilə bağlı tədbir keçirilib

18:36 16-03-2018 | icon 87 | İqtisadiyyat
“Microsoft Imagine Cup” müsabiqəsinin seçim mərhələsi ilə bağlı tədbir keçirilib

Bu gün Azərbaycan Nəqliyyat, Rabitə və Yüksək Texnologiyalar Nazirliyinin "Yüksək Texnologiyalar Parkı"nda "Microsoft Imagine Cup" texnologiya müsabiqəsinin yerli seçim mərhələsi ilə bağlı tədbir keçirilib.

Nazirliyin İctimaiyyətlə əlaqələr sektorundan Versus.az-a verilən məlumata görə, “Microsoft Imagine Cup” - dünya tələbələri arasında hər il keçirilən böyük miqyaslı innovasiya müsabiqəsidir. Müsabiqənin əsas məqsədi gənc istedadların potensiallarını üzə çıxarmaq, ideyalarını reallaşdırmaq və beynəlxalq İKT arenasında təqdim etməsinə dəstək göstərməkdir.

Tədbirdə qeyd olunub ki, artıq 4-cü dəfə Azərbaycanda keçirilən bu müsabiqənin builki şərtlərində bəzi dəyişikliklər edilib. Belə ki, yeni qaydalara əsasən, müsabiqədə iştirak edəcək layihələrin bir elementi "Microsoft"un "Azure" bulud məkanında yerləşdirilməlidir. Bundan başqa, mayda keçiriləcək regional yarımfinalda isə artıq bir deyil, iki komanda iştirak edə bilər.

Qalib komanda isə iyulda ABŞ-da keçiriləcək beynəlxalq finalda iştirak edəcək və müsabiqənin əsasən mükafatı - 100 000 dolları uğrunda mübarizə aparacaq.

Milli turda iştirak etmək üçün artıq 20-dən çox komanda qeydiyyatdan keçib ki, layihələr aprelin sonunda qiymətləndiriləcək.

Qeyd edək ki, "Microsoft Imagine Cup" müsabiqəsinə Nəqliyyat, Rabitə və Yüksək Texnologiyalar Nazirliyi, Təhsil Nazirliyi, Heydər Əliyev Fondu, Müəllif Hüquqları Dövlət Agentliyi, "Nar" və "Paşa Bank" dəstək göstərirlər.

YELMAR
Versus.Az

Xəbər lenti

InvestAZ

Ən çox oxunan xəbərlər

"Süni əngəl və maneələrə yol verilməməlidir"

"Bəzi şəxslər hakimiyyətin yıxılması üçün işləyirlər" - MÜSAHİBƏ

“ALDP Kuboku” uğrunda nərd yarışı - QALİBLƏR

"Bu, əsl erməni həyasızlığı idi"

Trampla görüşməkdən imtina etdilər

“BƏZİ TƏXRİBATÇI SAYTLAR AZƏRBAYCANA HÜCUM ÇƏKİR”

Əsir və girov götürülən uşaqlarla bağlı film çəkilir