Rezidentura ilə bağlı ən çox verilən suallar 

13:15 14-07-2019 | icon 838 | Təhsil
Rezidentura ilə bağlı ən çox verilən suallar 

Dövlət İmtahan Mərkəzi (DİM) bu gün baza ali tibb təhsili əsasında həkim-mütəxəssislərin hazırlanması məqsədilə rezidenturaya qəbul imtahanının II mərhələsini keçirir.

 

Versus.Az bununla əlaqədar, rezidentura təhsili ilə bağlı namizədləri ən çox narahat edən suallara cavabları təqdim edir:

Rezidentuya qəbul olunan məzun 2 ildən 5 ilə qədər hansısa həkim mütəxəssisin nəzarəti altında çalışır. Bu zaman rezident həmin həkimdəm sahəsinin incəliklərini müalicə metodları və s. tibbi yenilikləri öyrənir. Rezidentin təhkim olunduğu həkim isə onun kuratoru adlanır.

Kuratorla bağlı əsas bilgilər isə əksər rezidentlərə maraqlıdır.

 

Kimlər kurator ola bilər?

 Kurator rezidentin müvafiq ixtisas üzrə zəruri nəzəri və praktiki biliklərə yiyələnməsini təmin edən həkimdir.

Onun elmi dərəcəsi olmaya da bilər. Amma mütləq praktiki təcrübəsi 10 ildən çox olmalıdır.

 

Bir kurator neçə rezidentə rəhbərlik edə bilər?

Rezidentura təhsilinə rəhbərliyin edilməsi üçün isə kuratoru kliniki müəssisə təyin edir. Bir kuratorun ikidən çox rezidentə rəhbərlik etməsinə yol verilmir.

Kurator rezidentə gündəlik rəhbərlik etməklə, onun nəzəri biliklərə və peşə vərdişlərinə yiyələnməsini, fərdi iş planını yerinə yetirməsini təmin edir.

 

Kurator rezidentə görə əlavə məvacib alırmı?

Kuratorun vəzifə maaşına hər rezident hazırlığı üçün ayda 20 manat əlavə edilir. Bu vəsait hər dövlət sifarişi ilə təhsilalana dövlət büdcəsindən ayrılan təhsil xərclərinin hesabına həyata keçirilir.

Kurator rezidenti qane etməsə, onu dəyişə bilərmi?

Bəli! Kurator rezidenti qane etməsə, onu dəyişmək mümkündür. Rezident kuratorun dəyişdirilməsi ilə bağlı səbəb göstərilməklə, ərizə ilə klinik bazanın rəhbərliyinə müraciət etməlidir.

Sonda…

Rezident fərdi iş planının yerinə yetirilməsi ilə bağlı hər tədris ilinin sonunda kuratorun iştirakı ilə təhsil aldığı müəssisənin elmi şurası qarşısında hesabat verir. Hesabatda il ərzində görülmüş işlər əksolunmalıdır. O yazılı təqdim edilir və səsləndirilməsi üçün rezidentə 15 dəqiqə vaxt verilir. Hesabatı məqbul hesab edilən rezident dövri attestasiyaya buraxılır.

 

Versus.Az

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

İtlər hətta simvolları da anlayırlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Gimnastlarımız Dünya Kubokunda finala yüksəliblər

Dəri problemlərindən mərciməklə xilas olun

Bu iki ədviyyatı birgə istifadə edin

Ən sürətli qol