"Sivil mübarizə üsulunu aşılamalıyıq"
"Söyüş və təhqir küçə psixologiyasının məhsuludur"
"Həyatımızın mühüm bir hissəsi olan ənənəvi media ilə yanaşı, elektron KİV, xüsusilə də sosial media və sosial şəbəkələr sürətlə inkişaf edir. Hətta dünyanın süpergüc dövlətlərində belə siyasi kampaniyalar zamanı sosial şəbəkələr mühüm faktor kimi çıxış edir. Azərbaycan da beynəlxalq birliyin mühüm bir tərkib hissəsi kimi bu inkişafdan özünə pay götürür. Artıq ölkəmizdə sosial şəbəkə istifadəçilərinin sayı kifayət qədərdir".
Versus.az-ın məlumatına görə, bunu açıqlamasında "İki sahil" qəzetinin baş redaktoru Vüqar Rəhimzadə bildirib. Sosial şəbəkələrin artıq siyasi arenada özünə yol açaraq geniş polemika, müzakirə meydana çevrildiyini vurğulayan V.Rəhimli qeyd edib ki, bu vasitədən düzgün, yerində və əxlaq çərçivəsində istifadə etdikdə daha effektli və təsirli olur:
"Təəssüf ki, bir neçə müddətdir şəxsi ambisiyalarının əsirinə çevrilmiş bəzi insanlar bütün “sərhədləri” aşaraq heç bir əxlaq, etik normalara sığmayan fikirlər səsləndirir, mübarizə üsulunun ən “axırıncı yoluna” əl atırlar. Sosial şəbəkələr həyatımızın mühüm bir parçasına çevrilib. Bu virtual məkandan yaşından, cinsindən, sosial statusundan asılı olmayaraq hər kəs öz fikir və düşüncələri, dünya görüşü və tələbatına uyğun istifadə edir".
Baş redaktorun fikrincə, bu mənada hər bir istifadəçi virtual da olsa ictimaiyyət arasında olduğunu unutmamalı, paylaşdığı fikir və düşüncələrinə diqqət yetirməlidir. Təəssüf ki, bir qrup insan bütün milli, mənəvi dəyərlərin üstündən xətt çəkərək dövlətə, onun dəyərlərinə, dövlət rəsmilərinə qarşı çirkin kampaniya aparır:
"Sözsüz ki, bu, yolverilməzdir. Söyüş və təhqir küçə psixologiyasının məhsuludur və heç kimə başucalığı gətirmir. Ona görə də bu cür ünsürlərə qarşı ciddi şəkildə mübarizə aparmalı, bütün platformalarda, eyni zamanda virtual məkanda etik normalara əməl etməklə onlara lazımı cavab verməliyik, sivil mübarizə üsulunu aşılamalıyıq".
ARZU
Versus.Az
Xəbər lenti
MHB parlament seçkilərinə hazırlıqlara BAŞLADI
"Parlament seçkilərində qalib olacağımıza inanıram"