Şəkidə xəsarət alan suriyalılar ...

Şəki Xan Sarayının qarşısındakı çinarın budaqlarının aşması nətiəsində xəsarət alan Suriya vətəndaşları müalicələrini özəl klinikada davam etdirirlər.

Versus.Az-ın  məlumatına görə, həmin şəxslər bir ailənin üzvü olan Sara Hasan (sağ bud sümüyünün qapalı travması), Farik Hasan (sol incik sümüyünün sınığı), Al Hasan Samirədir (sağ baldır sümüyünün yerdəyişən sınığı).

Qeyd edək ki, onlar özəl klinikaya getməmişdən əvvəl Kliniki Tibbi Mərkəzə yerləşdirilmişdilər. Vəziyyətləri ağır stabil qiymətləndirilsə də, onlar üçün həyati təhlükənin olmadığı bildirilmişdi.

Səhiyyə Nazirliyinin mətbuat xidmətindən Trend-ə bildirilib ki, hadisə nəticəsində xəsarət alan Elxan Məmmədov Şəki Mərkəzi Rayon Xəstəxanasında müalicəsini davam etdirir. Onun vəziyyəti orta ağır stabil qiymətləndirilir.