FİLİPP KİRKOROV- ƏLƏDDİNİN SEHRLİ ÇIRAĞInı alıb, BAKI QUTABInı....

Versus.az xəbər verdiyi kmi, Rusiyanın xalq artisti Filipp Kirkorov bu dəfə uşaqları ilə gəlib və elə həmin gün də uşaqları ilə gəzintiyə çıxıb.

Beləliklə, söz verildiyi kim, uşaqlar üçün ekskursiya İçəri Şəhərdən başladı. Təbii ki, müğənninin ətrafında olan jurnalistlərə qarşısına yolüstü çıxan pərəstişkarları da toplanmışdır.

F.Kirkorov bidirib ki, dünyanın hansı şəhərinə gedirsə getsin, əgər orada qədim bir məkan varsa, o, mütləq oranı ziyarət etməlidir. Eləcə də, Bakının İçəri Şəhərində dəfələrlə olsa da, o, hər dəfə burada özü üçün bir yenli kəşf edir. Bu dəfə isə bu sirli aləmi uşaqları üçün açdı. Uşaqlar möcüzəlii dükanlara girir və hər birində özləri üçün yadigar olaraq bir suvenir seçirdi.

Bu suvenirlərdən biri də Ələddinin Sehrli Çırağı oldu. Qədim qalanın tarixi, Qız Qalasının qaməti uşaqların yaddaşında bəlkə də, ömürlük həkk olunacaq. Azərbaycanlıların qonaqpərvərliyinə isə söz ola bilməz. Hərə onu öz restoranına qonaq çağırırdı. Müğənni təkliflərdən birini qəbul edərək, qutab daddı və ləzzətinə heyran oldu. Bu məkan isə Müslüm Maqomayev küçəsində yerləşdiyi üçün, bu məqamı tarixi məqam adlandırdı.

İçəri Şəhərdəki ekskursiya Qoşa qala qapısının yanında başlayaraq “Brilliant əl” filminin çəkiliş məkanına qədər uzandı. Sonra isə qonaqlar Bakı Bulvarına üz tutdular. Beləcə müğənninin Bakıdakı ilk günü sona çatdı. “JARA” Beynəlxalq festivalında isə Filipp Kirkorov iyulun 25 və 26-da çıxış edəcək. Festivalda dörd gün ərzində (25-28 iyul) dünya estradasının nümayəndələri iştirak edəcək.

Ayəndə Dadaşova

Versus.Az