Həsən Ruhanidən öz sələflərindən fərqli siyasət
"İran-Azərbaycan münasibətlərində irəliləyiş var. Bu da əlbəttə, ilk növbədə əvvəlki İran prezidentlərindən fərqli olaraq Həsən Ruhaninin Azərbaycana münasibətdə daha konstruktiv mövqe tutması və praqmatik ağıllı siyasət yürütməsi ilə bağlıdır".
Versus.Az-ın məlumatına görə, bunu İran-Azərbaycan prezidentlərinin görüşünə açıqlamasında Demokratik Azərbaycan Dünyası Partiyasının (DADP) sədri Əlisahib Hüseynov bildirib:
"Həsən Ruhani prezident seçiləndən sonra iki ölkə arasında əlaqələrin inkişaf tempi xeyli dərəcədə artıb. Bundan əvvəlki prezidentlərin dövründə isə bu qədər çoxsaylı görüşlər, işgüzar təmaslar olmamışdı. Arzu edək ki, Azərbaycanla İran arasında münasibətlər bundan sonra da müsbət istiqamətdə inkişaf edəcək".
Əlisahib Hüseynovun fikrincə, bu, İrandakı milyonlarla soydaşımız üçün də faydalıdır:
"Xain, xoflu qonşumuz Ermənistan isə İranla münasibətlərimizin istiləşməsindən narahat olmaqdansa, təcavüzkar siyasətindən əl çəkmək haqda düşünsün!"
Xəbər lenti
Keniyanın müdafiə naziri helikopter qəzasında öldü
5 sərnişin həlak olub, daha 3 nəfər tibb müəssisələrinə aparılıb