Mehriban xanım Əliyevaya ad günü təbrikindən
Elmimiz təhlükə qarşısındadır!
Hörmətli Mehriban xanım!
Sizi ad gününüz münasibətilə səmimi qəlbdən təbrik edirəm, can sağlığı, vətənimiz Azərbaycan naminə uğurlar arzulayıram.
Azərbaycan elminin inkişafı, Azərbaycan alimlərinin rifahı naminə nəzərinizə çatdırıram ki, dünya ölkələrinin əksəriyyətində elm adamlarının əmək haqqları həmin ökələrdəki məmurların əmək haqqlarından yüksəkdir. Elmimizin mərkəzi və bayraqdarı olan Azərbaycan Milli Elmlər Akademiyasında isə elmimizin aparıcı qüvvəsi olan fəlsəfə doktorları və elmlər doktorlarının əmək haqqları dünya ölkələrindəki elm adamları ilə müqayisədə 10 dəfələrlə aşağı olmaqla, respublikamızın universitetləri ilə müqayisədə də 2 dəfə azdır.
Elmimizin digər mühüm problemi AMEA Fizika İnstitutunun, Astrofizika İnstitutunun, Kimya İnstitutunun və s. maddi-texniki bazasının aşınmasıdır. Bu səbəbdən elmimiz təhlükə qarşısındadır.
Hörmətli Mehriban xanım!
Azərbaycanın və Azərbaycan elminin inkişafı naminə Sizdən xahiş edirəm elmimizin mərkəzi AMEA-da orta aylıq əməkhaqqının 1000 manata qədər yüksəldilməsi üçün hörmətli Prezidentimizin Sərəncam verməsinə yardımçı olasınız.
Sizdən xahiş edirəm AMEA-nın maddi-texniki bazasının yenilənməsi, institutların müasir cihazlarla təmin edilməsi naminə bu ilin büdcəsindən ilk 3 ildə hər il 100 milyon manat ayrılması üçün yardımçı olasınız.
Sizdən xahiş edirəm AMEA institutlarının müasir cihazlarla təmin olunması üçün ayrılan vəsaitlərin xərclənməsi işini əli təmiz olan insanlara tapşırasınız!
Dərin hörmət və ehtiramla,
Sizə Azərbaycan naminə uğurlar arzulayan
Prof.Dr. Qüdrət İsaqov
Xəbər lenti
Tarixi dostluq və mehriban qonşuluq
"Əlaqələr gələcəkdə daha da inkişaf etdiriləcək"