Siyasətin pozitivləri – “BUQƏLƏMUN”lar
Fəaliyyətin yoxdursa, ləğv ol!
FƏRİD İMRAN
/tələbə/
...Azərbaycanda çox yaxşı, güclü müxalifət partiyaları var. Bu partiyalar demək olar ki, hər ay müxtəlif işlər görür, ictimaiyəti narahat edən məsələləri qaldırmaqla insanları öz arxalarınca apara bilir. Üzvlərinin sayı isə minlərlədir.
Hə, sizinlə bir qədər zarafat etdim. Bu bir “şaka”... Ümid edirəm ki, bunlara inanmadınız.
Əslində isə bildiyimə görə, Azərbaycanda dövlət qeydiyyatına alınan, alınmayan 54 siyasi partiya mövcuddur. YAP-dan tutmuş “Vəhdət”ə , “Aydınlar”dan tutmuş “Azadlıq”a qədər... Həqiqi müxalifətindən, “buqələmun” xarakteri ilə işləyənlərə qədər... Mən hələ mətbuatda 1 dəfə də olsun bir açıqlama verməyən, 50 nəfər üzvü olmayan, indiyədək heç bir siyasi fikir irəli sürməyən, savadsız lideri olan partiyaları demirəm.
Başa düşə bilmirəm, bu partiyalar niyə yaranıb, nə üçün yaranıb və kim yaradıb... Əgər, fəaliyyət göstərə bilmirsənsə, niyə ləğv olunmursan?
11 Aprel Prezident seçkiləri yaxınlaşır. Bu seçkilər Azərbaycanın gələcəyi üçün başladılmış bir seçkidir. Cəmi 4-5 partiya seçkilərdə iştirak edir. Özünü müxalifət adlandıran partiyalar və Milli Şura seçkini boykot edir. Elə bil Əli Kərimli və ya Cəmil Həsənli özlərinə söz vəriblər ki, hər 2 seçkidən birini boykot edəcəklər. Başa düşürəm, özün də inanırsan ki, hakimiyyətə gələ bilməyəcəksən. Amma heç olmasa özünə güldürmə. Belə bir şey də var, deyirlər ki, Araz Əlizadə kimi özünü söydürməkdənsə, seçkiyə qatılmamaq daha yaxşıdır. Bir başqası da deyəcək ki, söyüşdən qorxandan siyasətçi olmaz.
Bəs, o zaman, seçkiyə müxalif partiyalardan kim qatılsın? Həqiqətənmi Azərbaycanda müxalifət yoxdur?! Bu sualların cavabını çox yaxşı bilirsiniz... Başınızı yormayım...
Balaca bir sorğu apardım. 167 nəfər arasında apardığım sorğuda cəmi 16 nəfər siyasi partiyaya üzv olduğunu qeyd edib. Sorğunun nəticəsindən belə qənaətə gələ bilərik ki, Azərbaycanda cəmi 295000 insan siyasi partiyaya üzvdür. Bu isə gülməli bir rəqəmdir.
Hələ sizə partiyaların maliyyələşməsini demirəm. Bilinmir onları kim maliyyələşdirir. Bunu da özünüz düşünün. Bəlkə də cavabını çox yaxşı bilirsiniz. Mən özüm də bir gənc olaraq, yaranan bu vəziyyəti başa düşmk üçün “baş sındırıram”. Görək də...
Xəbər lenti
Azərbaycan Texniki Universiteti publik hüquqi şəxsə ÇEVRİLDİ
Elm və Təhsil Nazirliyi bu Qərar qüvvəyə mindiyi tarixdən...