"Hakimiyyətə gəlmək üçün yenə də Qarabağdan istifadə olunur"

"Qarabağın işğalı Rusiyanın uzun illərdir apardığı siyasətin davamıdır.  Göründüyü kimi indi Qarabağın azad olunması ilə bağlı heç kəs hökumətin üstünə getmir.  Bu günlərdə isə Qüdrət Həsənquliyev deyir ki, xalq Qarabağı azad etmək üçün hökumətin üstünə getməli və onu torpaqları azad etməyə məcbur etməlidir.  Yenə də Rusiya ssenarisinin işə salınmasını görürük".

Versus.Az xəbər verir ki, bu barədə Azərbaycan Demokrat Partiyasının (ADP) sədri Sərdar Cəalaloğlu  son günlər ölkə gündəmini zəbt edən proseslərdə bəzi qüvvələrin hakimiyyətə gəlmək üçün "Qarabağ kartı"ndan istifadə etmə cəhdləri ilə bağlı açıqlamasında bildirib.

Sərdar Cəlaloğlu deyib ki, hakimiyyətin istefa məsələsi yenə də Qarabağ problemi üzərindən gündəmə gətirilir. Onun sözlərinə görə, Qarabağın həllindən qabaq hakimiyyət dəyişikliyinə gediləcəksə, biz yenə də məğlubiyyətə düçar olacağıq. 

"Bu Rusiyanın ənənəvi planıdır. Həmin planla Əbdülrəhman Vəzirov, Əbülfəz Elçibəy, Ayaz Mütəllibov hakimiyyətdən uzaqlaşdırılıb. Bu, həm də İlham Əliyevin hakimiyyətdən uzaqlaşdırılması planından başqa bir şey deyil.  Rus-erməni birliyinin 300 il qabaq Azərbaycana qarşı hazırladığı planın tərkib hissəsidir və bir çox müxalif dairələrin bu oyunlarda iştirakı təəssüf doğurur. Xalq buna qarşı ciddi tədbirlər görməlidir"- deyə, partiya sədri bildirib.

Versus.Az

Ləman