VƏHŞƏT HİSSLƏRİ YAŞADAN “O-2”

“Park Cinema Flame Towers”da çoxdan gözlənilən “O-2” filmi nümayişi baş tutdu...

Versus.Az xəbər verir ki, tamaşaçıya təqdim olunan bu film, Stiven Kinqin Pennivayz varlığı haqqında olan “O” qorxu filminin davamıdır.

Pennivayz, müxtəlif görkəmləri alan və uşaqları qətlə yetirən bir varlıqdır. Və bu varlıq hər zaman insanların qabağına kloun qiyafəsində çıxıaraq, daha da qorxunc bir vəziyyət yaradır. İkinci filmin hadisələri 27 ildən sonra baş verir.

Bill, Benn, Beverli və başqa “luzerlər” artıq böyüyüblər və müxtəlif şəhərlərdə özlərinə aid karyera qurublar. Lakin uşaqlıqda bir birlərinə söz verib və sözlərinin üstündə duran dostlar Maykın bir çağırışına bənd olaraq, yenidən Derridə görüşürlər. Məqsəd isə yenidən qayıtmış pislik yaradan varlığı yox etməkdir. “O”, yenə də bu dostların pisliyinə səbəb olan bir dəhşətə çevrilir. Bu, hamıda vəhşət yaradan rəqs edən kloun Pennivayzdır.

Rollarda Bill Skarsqard, Jessika Çesteyn, Jeyden Martell, Jek Dilan Qreyzer, Jey Rayan, Jeremi Rey Teylor, Uayt Oleff, Jekson Robert Skott, Çouzen Jeykobs, Jeyms MakEvoy, Kavye Dolan və başqaları... Filmin rejissoru Andres Muskettidir.

Qorxu filmlərinin pərəstişkarları Filmi setyabrın 5-n şəhərin bütün kinoteatrlarında izləyə bilərlər.

Ayəndə Dadaşova
Versus.Az