“Sağlamlıq imkanları məhdud uşaqların (autizm) sosial və psixoloji reabilitasiyası” layihəsi davam edir

23:42 05-09-2019 | 950 | Sağlamlıq

Autizm Defektoloji və Psixoloji Yardım Mərkəzi Əmək və Əhalinin Sosial Müdafiəsi Nazirliyi yanında Sosial Təminat Xidmətinin sosial sifarişi əsasında “Sağlamlıq imkanları məhdud uşaqların (autizm) sosial və psixoloji reabilitasiyası” layihəsini icra edir.

Versus.Az xəbər verir ki, layihənin əsas məqsədlərindən biri 18 yaşadək sağlamlıq imkanları məhdud olan autizm sindromlu uşaqlara psixo-sosial reabilitasiya xidmətlərinin göstərilməsi, onların cəmiyyətə inteqrasiyası sahəsində ailələrin bilik və bacarıqlarının inkişaf etdirilməsidir.

Layihə çərçivəsində autizm sindromu olan sağlamlıq imkanları məhdud uşaqlara psixo-sosial reabilitasiya, abilitasiya, ailəyə dəstək və ailənin maarifləndirilməsi xidmətləri göstərilir. Autizm sindromlu sağlamlıq imkanları məhdud olan uşaqlar müəyyən edilərək fərdi əqli inkişaf planları hazırlanır və onlar sosial iş, gündəlik həyat (funksional) vərdişləri (abilitasiya), sosial-psixoloji dəstək, sosiallaşma və ünsiyyət, koqnitiv bacarıqlar və təhsil, nitq problemləri, əqli inkişaf sahələrində yardım alırlar.

Eyni zamanda ailəyə dəstək verilir,valideyn bacarıqlarının inkişafına yönəldilmiş xidmətlər göstərilir və autizm sindromlu uşaqların cəmiyyətə inteqrasiyasına yönəldilmiş işlər görülür.