Partiya sədri dahi sənətkara qarşı unutqanlıqdan danışdı
Razi Nurullayev: "Niyə bu qədər unutqan olduq, məgər o, unudulası sənətkardır?"
"Üzeyir Hacıbəyov böyük sənətkardır və bunu heç kim şübhə altına almır. O, Azərbaycanı dünyaya tanıdan böyük musiqiçidir ki, "Arşın mal alan" operettası dünyanın 80-ə yaxın ölkəsində səhnəyə qoyulub".
Versus.Az xəbər verir ki, bunu dahi sənətkar Üzeyir Hacıbəyovun Bakıdakı ev muzeyini ziyarət edən AXCP sədri Razi Nurullayev özünün "Facebook" səhifəsində deyib.
Partiya sədri muzeyin müdiri Gülnarə Ələsgərovaya muzeylə ətraflı şəkildə tanışlığa görə minnətdarlığını ifadə edib.
R.Nurullayevi narahat edən məqam bu muzeyə bəzən günlərlə belə ziyarətçinin gəlməməsidir:
"Niyə bu qədər unutqan olduq? Məgər Üzeyir Hacıbəyov unudulası sənətkardır? Hər bir kəsi Üzeyir Hacıbəyovun ev muzeyini ziyarət etməyə dəvət edirəm. Azərbaycan himnini yazdığı R.Becker pianosu da elə öz yerindədir, bir qarış belə yerindən tərpədilməyib. Çox zəngin və ziyarət ediləsi məkandır. Dahi sənətkara hörmətimizi, sevgimizi ziyarətimizlə göstərə bilərik".
SEVDA
Versus.Az
Xəbər lenti
Klipi üçün 10 kilo çəki atdı
Pərviz Mahmudov "Vurulmuşam" dedi