"Ayrı-seçkilik yaxşı deyil və gərək nəticəsinə də qatlanasan"
Razi Nurullayev: "Hər ikisi iqtidarın kaprizindən asılı məsələdir"
"Bu gün keçirilən iqtidar-müxalifət dialoquna yaxınlaşmasına yönəlik dəyirmi masaya və iştirakçılarına münasibətim normaldır. Görülməli çox işlər var və birinci növbədə iqtidar partiyası öz daxilində aydınlıq yaratmalıdır ki, söz-söhbət yaranmasın".
Versus.Az-ın məlumatına görə, bu sözləri bu gün Bakıda siyasi partiya nümayəndələrinin iştirakı ilə “Azərbaycandakı siyasi proseslərə xarici müdaxilələrin yolverilməzliyi” mövzusunda keçirilən "dəyirmi masa"-ya münasibət bildirən AXCP sədri Razi Nurullayev deyib.
Partiya sədri birinci növbədə qeydiyyatlı partiya, qeydiyyatsız partiya yanaşmasını qəbul etmədiyini vurğulayıb:
"Hər ikisi iqtidarın kaprizindən asılı məsələdir. İkincisi, qeydiyyatı yoxdursa, qeydiyyata alsınlar, aydınlıq gətirilsin. Qeydiyyata almırlarsa, o zaman biz öz işimizi bilirik və uyğun qərar qəbul etmək də bizim səlahiyyətimizdədir.
Təbii ki, bu cür tədbirlərdə iştirak etmək üçün gözümüz atmır, amma ayrı-seçkilik etmək yaxşı deyil və gərək nəticəsinə də qatlanasan".
SEVDA
Versus.Az
Xəbər lenti
Ombudsmandan BƏYANAT
"Soyqırımı hadisələrinə beynəlxalq miqyasda hələ də ədalətli mövqe bildirilməyib"