Bakıda hər kəsi şoka salan turist danışdı: "Şeytana da..." - VİDEO

18:15 06-10-2019 | icon 79 | Maraqlı
Bakıda hər kəsi şoka salan turist danışdı: "Şeytana da..." - VİDEO

Rolf Buxolz. Onu bu cür xarakterizə etmək olar: dünyanın ən çox pirsinqli, buynuzlu və nəhayət şeytan görünüşlü adamı. 60 yaşlı alman müsahibimiz 8 il bundan öncə bədənində çoxlu sayda xırda deşiklər və pirsinqlər olduğu üçün Ginnesin Rekordlar kitabına düşüb. Özünün dediyinə görə, ağız ətrafında 100, ümumilikdə üz hissəsində 150, bədənində 500-ə yaxın prisinq var. Almaniyanın Dortmund şəhərində doğulub və 60 ildir ki, orada yaşayır. İxtisasca komputer mütəxəssisi olan Rolf Buxolz Almaniyada böyük telefon şirkətlərinin birində çalışır. Pirsinq taxmağa isə 20 il əvvəl başlayıb.

 

Versus.Az APA TV-yə istinadən bildirir ki, Bakıya 2 gün əvvəl Aşqabaddan gəlib. Məqsədi isə gəzmək və paytaxtı tanımaqdır. Bakını bəyənirsinizmi sualına belə cavab verir:

 

"Gözəl şəhərdir. Almaniyada insanlar Azərbaycanı və paytaxt Bakını çox tanımır. Buranı görmək və bu ölkə barədə məlumat almaq mənə xoşdur. Demək olar ki, bütün gün şəhəri gəzirəm. İnsanlar mənə yaxınlaşaraq şəkil çəkdirirlər. Yalnız yerli əhali deyil, turistlər də şəkil çəkdirirlər. Bu da normaldır".

 

Müsahibimiz dünyada özü qədər pirsinqə sahib olan insanların az, lakin taxmaq istəyənlərin çox olduğunu söyləyir. Dediyinə görə, Almaniyada bir çox insan pirsinq taxır və bu orada normal haldır. "Bəs, insanlar sizi görəndə qorxurlarmı?" sualına o, belə cavab verir:

 

"Düşünürəm ki, bəzi insanlar qorxurlar. Çünki bu qədər prisinqi olan adamı daha əvvəl görməyiblər. Deyə bilərəm ki, bu yalnız xarici görünüşdür və başqa bir anlamı da yoxdur".

 

Rolf Buxolz deyir ki, bədənində ən çox pirsinqi olduğuna və Ginnesin Rekordlar Kitabına düşdüyü üçün çox xoşbəxtdir. Çünki hər adam bu kitaba düşə bilmir. Özünün söylədiyinə görə, ona ən çox verilən suallardan biri də "rahat yemək yeyə bilirsinizmi?"dir. O isə cavabında "bəli, heç bir problem yaşamıram", deyir.

Yeməkdən söhbət düşmüşkən Azərbaycan mətbəxini, ən çox da dolmanı çox sevdiyini deyir. "Siz şeytanı təbliğ edirsiniz?" sualına isə belə cavab verir:

 

"Satanist deyiləm, normal insanam. Şeytana da inanmıram. İnsanların çoxu başımdakı buynuzlara görə məni şeytana bənzədir. Amma mən elə düşünmürəm. Buynuzlarımdan da çox xoşum gəlir".

Müsahibimiz deyir ki, alnındakı buynuzlar və bədənindəki şişlər silikondur. Rolf Buxolz Bakıda yaşamağı düşünmür. Çünki burada yaşamalı olsa o əvvəla dili öyrənməlidir. Bu isə onun üçün heç də asan deyil. Şəxsi həyatından da danışan turist heç vaxt evli olmadığını lakin sevgilisi olduğunu deyir. Gözəl qızlardan xoşu gəldiyini deyən Rolf 2 gün sonra Almaniyaya qayıdacağını və növbəti səfərinin Londona olacağını söyləyir.

 

 

Versus.Az

Xəbər lenti

InvestAZ

Ən çox oxunan xəbərlər

Kərküklə Türk Dünyası arasında körpü yaradan qəhrəmanımız

"Əli Kərimlinin düşdüyü vəziyyətə acıyırıq"

"MUSA TİKƏLƏNMİŞ HİSSƏLƏRİ YIĞIRDI"

"Bu tarixi gündə istiqlalçı deputatları da unutmaq olmaz"

713-cü HƏRBİ HİSSƏYƏ GƏLƏN YOL

Öd kisəsi xərçənginin yaranmasının ən başlıca səbəblərindən biri...

İTP lideri Riyaz Sarıkahya Azərbaycan xalqını təbrik edib

AzMİU-nun professor-müəllim heyətinin maaşı 25 faiz artırılıb

"Bu müxalifət öz iflasını gün-gündən yaxınlaşdırır"

"Bu məsələdə Türkiyəyə dəstək verməyimiz səhv addım idi"

713 saylı batalyonun qaziləri də şair İlham Qəhrəmanla görüşüb

Radikal müxalifətin ikinci oktyabr iflası

"Paytaxt sakinlərinin gözü qarşısında tam fiasko"

ALDP-dən polis zorakılığına qarşı bəyanat

"Xalq siyasi, iqtisadi, sosial islahatlarda Prezidentə dəstək olmalıdır"