Millət vəkili gəncləri Milli Qəhrəmanımızdan örnək almağa çağırıb

13:22 10-04-2018 | icon 2444 | Qarabağ
Millət vəkili gəncləri Milli Qəhrəmanımızdan örnək almağa çağırıb

Şəhid Samid İmanovun xatirəsi anılıb

 

Neftçalanın Həsənabad kəndində Aprel döyüşləri, Aprel zəfərinin qəhrəman şəhidlərindən Milli Qəhrəmanımız Samid İmanovun anım tədbiri keçirilib.

 

Versus.az-ın məlumatına görə, Neftçala rayon icra hakimiyyəti başçısı İ.Vəliyev, yerli bələdiyyə nümayəndələri, rayon ziyalıları, Milli Qəhrəman Samid İmanovun təhsil aldığı məktəbin və rayonun digər məktəblərinin nümayəndələrinin və məktəblilərinin, qazilərin, Milli Qəhrəman Samid İmanovun döyüş yoldaşlarının iştirak etdiyi anım tədbirində millət vəkili Qənirə Paşayeva çıxış edib:

 

“Aprel zəfərini xalqımıza yaşadan qəhrəman şəhidlərimizin qarşısında baş əyirəm. Aprel zəfəri ölkəmiz üçün böyük önəm daşıyır. Bu döyüş düşmənə böyük zərbə oldu. Belə qəhrəman oğulları böyüdən ata-anaların qarşısında baş əyirik”.

 

Millət vəkili qəhrəman şəhidimiz, Milli Qəhrəmanımız Samid İmanovun vətənpərvərliyi barədə geniş danışıb və gəncləri məhz belə qəhrəman oğullardan örnək götürməyə çağırıb. O, Ali Baş Komandanın Aprel zəfəri ilə bağlı fikirlərinə xüsusi diqqət ayırıb.

 

“Böyüyən gənclərimizin bu qəhrəmanlarımızı tanıması üçün ziyalılarımız, müəllimlərmiz, hər birimiz fəal olmalıyıq” Q.Paşayeva çıxışında hər kəsin, o cümlədən şəhid ailələrinin Ali Baş Komandanın rəhbərliyi altında torpaqlarımızın işğaldan azad olunacağına və bütün şəhidlərimizin ruhunun o zaman sakitlik tapacağına əminlik ifadə edib:

 

“O gün uzaqda deyil, inşallah torpaqlarımızı işğaldan azad edəcəyik və şəhidlərimizin də ruhu şad olacaq”.

 

Aprel şəhidlərimizin ailələri ilə görüşündə ölkəmizin birinci Vitse-prezidenti Mehriban Əliyevanın şəhid ailələrimizə hər bir azərbaycanlı diqqət və qayğı ilə yanaşmalıdır çağırışı etmişdi deyən millət vəkili şəhidimizin ata-anasına müraciətlə hər zaman sizin yanınızdayıq, bütün Azərbaycan üçün siz çox dəyərlisiniz deyib.

 

Q.Paşayeva gəncləri həqiqətlərin dünyaya daha geniş yayılmasında sosial şəbəkələrin təqdim etdiyi imkanlardan geniş istifadə etməyə də çağırıb. Eyni zamanda, Samid İmanov kimi qəhrəmanlardan Vətən sevgisi örnəyini almağı tövsiyyə edib:

 

“Bizim üçün müstəqil Azərbaycandan dəyərli heç bir şey ola bilməz. Ölkəmizin daha da inkişafı istiqamətində siz gənclərin də üzərinə düşən vəzifələr var”.

 

Tədbirdə “Aprel 2016” Şəhid Ailələrinə dəstək İB-nin həmsədrlərindən Aida Eyvazlı da geniş çıxış edərək qəhrəman şəhidlərimizdən, onların həyat yolundan, qəhrəmanlıqlarından geniş danışıblar.

 

Bir sıra QHT rəhbərləri, qazilərimiz, qəhrəman şəhidimizin təhsil aldığı məktəbin nümayəndələri, müəllimləri də çıxış edərək Milli Qəhrəmanımız Samid İmanovun qəhrəmanlıqlarından söz açıblar. Məktəbin şagirdləri vətənpərvərlik ruhunda çıxışlar edib, şeirləri söyləyib, mahnılar oxuyublar.

 

Sonra tədbir iştirakçıları Milli Qəhrəmanımız Samid İmanovun məzarını ziyarət ediblər, ruhuna dualar oxuyublar.

 

Millət vəkili Q.Paşayeva, Regional Hüquqi və İqtisadi Maarifləndirmə İB-nin sədri Arzu Bagirova, “Aprel 2016” Şəhid Ailələrinə dəstək İB-nin həmsədrlərindən Aida Eyvazlı Milli Qəhrəmanımız Samid İmanovun  ailəsini də ziyarət ediblər, onlarla geniş söhbət ediblər, qayğıları ilə maraqlanıblar, “şəhid ailələri başımızın tacıdır, sizin kimi ata-anaların qarşısında baş əyirik, dövlətimiz,  millətimiz və hər bir azərbaycanlı hər zaman yanınızdadır” deyiblər.

 

Xəbər lenti

InvestAZ

Ən çox oxunan xəbərlər

Turan Qurultayının bağlanışında Türk dünyasına Qarabağ çağırışı

Macarıstanda Azərbaycan sərgisi açılıb

Millət vəkili İraq, Krım, Tatarıstan və Noqay türklərinin təmsilçiləri ilə görüşüb

Buğacın Azərbaycan bölgələrindən biri ilə qardaşlaması təklifi

Türkmənistan, Qırğızıstan və Rusiyada yaşayan türk xalqlarının təmsilçiləri ilə görüş

Şöbə müdiri olmaq istəyənlərin nəzərinə

Millət vəkili Macarıstanda Qarabağdan danışıb

Nazirlikdən XƏBƏRDARLIQ

Bu il 700 bal toplayan abituriyentlər rekord sayda olub

İxtisas seçimi bu gün başa çatır

İlk dərs bu mövzulara həsr olunacaq

Dövlət Əməyin Mühafizəsi Fondu yaradılacaq

Bu müəllimlərin məsuliyyəti məsələsinə baxılacaq

Siçanlar üzərində aparılan təcrübə göstərib ki...

Bakının bəzi ərazilərində qaz olmayacaq