"Ədalətdən dəm vuran beynəlxalq təşkilatların "ədalət"ini gördük"

15:04 13-04-2018 | icon 237 | Gündəm
"Ədalətdən dəm vuran beynəlxalq təşkilatların "ədalət"ini gördük"

 

"Aprelin 11-də keçirilən seçkilərdə İlham Əliyevin qalib gəlməsi Avropanın bəzi siyasi dairələrinin və onların Azərbaycandakı əlaltılarının planlarını sözün əsl mənasında alt-üst edib. Bu mənada, ATƏT-in Parlament Assambleyası, Demokratik Təsisatlar və İnsan Haqları Bürosu və Avropa Şurası Parlament Assambleyasının müşahidə missiyalarının öz ənənələrinə sadiq qalaraq 11 aprel prezident seçkiləri ilə bağlı qərəzli hesabatı açıqlamaları tamamilə başadüşüləndir".

 

Versus.az-ın məlumatına görə, bunu Demokratik Azərbaycan Dünyası Partiyasının (DADP) sədri Əlisahib Hüseynov öz açıqlamasında bildirib. Partiya sədrinin sözlərinə görə, onların bu hesabatı ilk növbədə Azərbaycan seçicilərinə qarşı, o cümlədən İlham Əliyevin namizədliyini dəstəkləyən DADP-çilərə qarşı açıq hörmətsizlikdir:

 

"Həmin beynəlxalq təşkilatların müşahidə missiyalarının üzvləri mart ayının 16-dan etibarən Azərbaycanda prezident seçkilərinin tam şəffaf və demokratik şəraitdə keçirilməsi üçün yüksək səviyyədə hazırlıq işlərinin həyata keçirildiyinin əyani şahidi olublar. Həmin müşahidə missiyalarının üzvləri seçki öncəsi hətta ayrı-ayrı siyasi partiyaların qərargahlarında görüşlər də keçiriblər, namizədlərin təbliğatı ilə əlaqədar görüşlərdə, mitinqlərdə olublar. Seçki günü isə səhər saatlarından etibarən yüksək seçici fəallığını müşahidə edən avropalı müşahidəçilər vətəndaşların axın-axın məntəqələrə gələrək səs verdiklərini də görüblər. Lakin bütün bunlara baxmayaraq, ATƏT-in Parlament Assambleyası, Demokratik Təsisatlar və İnsan Haqları Bürosu və Avropa Şurası Parlament Assambleyasının müşahidə missiyalarının üzvləri reallığı inkar etmək yolunu tutaraq öz ənənəvi amplualarında qaldılar".

 

Ə.Hüseynov vurğulayıb ki, sözügedən beynəlxalq təşkilatın müşahidəçiləri açıq-aşkar anti-Azərbaycan mövqeyindən çıxış edərək öncədən hazırlanmış təxribat xarakterli seçki "hesabat"ı təqdim ediblər:

 

"Bu isə ədalətli hesabat deyildi və avropalı müşahidəçilər bununla öz saxtakarlıqlarını, ikiüzlülüklərini nümayiş etdirmiş oldular. Necə deyərlər, ədalətdən dəm vuran beynəlxalq təşkilatların "ədalət"ini gördük".

 

Partiya sədri DADP olaraq sözügedən müşahidəçilərin məlum "hesabat"ını siyasi avantüristlik və qeyri-demokratiklik nümunəsi kimi dəyərləndirdiklərini bildirib:

 

"Bu təşkilatlara qəti etirazımızı bildiririk. Nə ATƏT-in, nə də ki, AŞPA-nın müşahidəçilərinin biz seçiçilərin siyasi iradəsinə və seçiminə sayğısız yanaşmağa haqqı yoxdur".

 

A.Zeynallı
Versus.Az

Xəbər lenti

InvestAZ

Ən çox oxunan xəbərlər

Turan Qurultayının bağlanışında Türk dünyasına Qarabağ çağırışı

Macarıstanda Azərbaycan sərgisi açılıb

Türkmənistan, Qırğızıstan və Rusiyada yaşayan türk xalqlarının təmsilçiləri ilə görüş

Millət vəkili İraq, Krım, Tatarıstan və Noqay türklərinin təmsilçiləri ilə görüşüb

Buğacın Azərbaycan bölgələrindən biri ilə qardaşlaması təklifi

Bu il 700 bal toplayan abituriyentlər rekord sayda olub

İlk dərs bu mövzulara həsr olunacaq

Dövlət Əməyin Mühafizəsi Fondu yaradılacaq

Bu müəllimlərin məsuliyyəti məsələsinə baxılacaq

Siçanlar üzərində aparılan təcrübə göstərib ki...

Bakının bəzi ərazilərində qaz olmayacaq

Hidrometeorologiya Departamenti xəbərdarlıq edib

İcra başçılarına müraciət ünvanlanıb

"Qafqazinfo.az" - 8

"Azərbaycan üçün ayrıca bir İlqar Məmmədov məsələsi yoxdur"