Akademik Rus Teatrında kiçik tamaşa salonunun açılışı keçirilib

20:05 31-10-2019 | icon 24 | Mədəniyyət
Akademik Rus Teatrında kiçik tamaşa salonunun açılışı keçirilib

Oktyabrın 30-da Azərbaycan Dövlət Akademik Rus Teatrında kiçik tamaşa salonunun açılışı keçirilib.

 

Versus.Az xəbər verir ki, mərasimdə Mədəniyyət naziri Əbülfəs Qarayev, tanınmış incəsənət xadimləri, Rusiya Federasiyasının ölkəmizdəki səfiri Mixail Boçarnikov iştirak edib.

 

Açılış münasibətilə görkəmli aktrisa, respublikanın Xalq artisti Lüdmila Duxovnayanın iştirakı ilə “Gecəki qadın” monotamaşası nümayiş olunub.

 

Tamaşadan öncə çıxış edən teatrın baş rejissoru, Xalq artisti Aleksandr Şarovski bildirib ki, belə yığcam, tamaşaçı ilə aktyorun çox məhrəm ünsiyyətdə olduğu kiçik səhnəyə bütün teatrlarda ehtiyac var:

“O ki qaldı tamaşaya, mən bu tamaşa üzərində zövq alaraq işlədim. Əminəm ki, seyrçilər də həm mətndən, həm də Lüdmila Semyonovnanın peşəkarlığı, istedadı və məsuliyyətini bir araya gətirərək yaratdığı Qadın obrazından zövq alacaqlar”.

 

Əməkdar mədəniyyət işçisi Valentina Reznikovanın tərtib etdiyi poetik tamaşada Vilyam Şekspirin sonetləri və rus poeziyasının ən məşhur isimlərindən – Aleksandr Vertinski, Vladimir Mayakovski, Yevgeni Yevtuşenko, Marina Svetayeva, Anna Axmatova, Tatyana Bek, Andrey Voznesenski, Olqa Aqur və Sergey Markovun qadın qəlbinin dərinliklərini və gözəlliklərini əks etdirən şeirləri məntiqi ardıcıllıqla düzülərək vahid kompozisiya kimi qurulmuşdu. Tamaşanın quruluşçu rejissoru Xalq artisti Aleksandr Şarovski, dekorasiya üzrə, geyim üzrə rəssamları və musiqi tərtibatçısı Aleksandr Fyodorov, Olqa Abbasova və Vladimir Neverovdur.

 

Tamaşadan sonra Mədəniyyət naziri Əbülfəs Qarayev çıxış edib:

“Belə poetik tamaşadan sonra çıxış etmək, söz demək çətindir. Lüdmila xanımın gözəl və fərqli obrazlar yaratdığı bu tamaşanı yalnız “Hülya-həzrət Qadın” adlandırmaq olar. Yəqin bu gün mənim həm də çox mühüm və məsul tapşırığı yerinə yetirmək üçün burada olmağım da bir qanunauyğunluqdur. Yeni teatr-tamaşa məkanının açılışı, açılış günündə böyük və şərəfli yaradıcılıq yolu keçmiş və bu yolda uğurla davam edən görkəmli aktrisanın öz yubileyi münasibətilə monotamaşa oynadığı gündə ona Azərbaycan Prezidentinin sərəncamı ilə təltif edildiyi “Şöhrət” ordenini təqdim edirəm”.

 

Sonra nazir ordeni sənətkara təqdim edib.

Xalq artisti Lüdmila Duxovnaya əməyinə verilən bu yüksək qiymətə görə dövlət başçısına minnətdarlığını ifadə edib.

Xəbər lenti

InvestAZ

Ən çox oxunan xəbərlər

Hafiz Hacıyev Cəmil Həsənlini, Əli Kərimlini, Arif Hacılını və İsa Qəmbəri "ağ yudu, qara sərdi"

"Keçirilən aksiyalar da xalq naminə deyil, mühacir biznesinin inkişafına yönəlib"

“Bu məsələlər dövlət səviyyəsində araşdırılmalıdır” - MÜSAHİBƏ

"Əli Kərimliyə zahirdə düşmən olan bəzi iqtidar mənsubları və..."

“Xəstəlik asta-asta, bir neçə ay və hətta bir neçə il ərzində inkişaf edir”

Paşinyan yenə sərsəmlədi və...

Xalqın Azadlıq uğrunda mübarizəsini, inamını sındıra bilmədi - VİDEO

AXCP prezidentə müraciət etdi

"Müsavatın rəhbərləri ictimai qınaqdan qaçır"

Dünənimizi qaralamadan bu günümüzü xilas edə bilsək…

Yatanda ayaqların arasına yastıq qoyun

MƏN ÇEYNƏNƏN BİR ÖLKƏNİN "HAQQ" BAĞIRAN SƏSİYƏM...

"2020-ci il seçkiləri oğurlanır"

Onu ömürlük həbs cəzası gözləyə bilər

“Azərbaycan dini liderlərin sammitini keçirə biləcək nadir ölkələrdəndir”