Cəzaçəkmə müəssisəsində 9 NOYABR - DÖVLƏT BAYRAĞI GÜNÜ /FOTO/

12:26 01-11-2019 | icon 88 | Cəmiyyət
Cəzaçəkmə müəssisəsində 9 NOYABR - DÖVLƏT BAYRAĞI GÜNÜ /FOTO/

Oktyabrın 31-də Bakıdakı 10 saylı Cəzaçəkmə müəssisəsində 9 noyabr - Dövlət Bayrağı gününə həsr olunan tədbir keçirilib.

 

Versus.Az-ın məlumatına görə, “Var olsun müstəqil Azərbaycan!” devizi altında keçirilən tədbiri “Xocalı Soyqırımını Tanıtma” ictimai birliyinin Kütləvi tədbirlər şöbəsinin mudiri, müğənni və aparıcı İslam Ələsgərov açıb.

 

Azərbaycanın Dövlət Himninin səslənməsi ilə başlayan tədbirdə şəhidlərin ruhu bir dəqiqəlik sükutla yad edilib.

 

“Xocalı Soyqırımını Tanıtma” ictimai birliyinin sədri, müharibə veteranı Şamil Sabiroğlu Azərbaycanın dövlət müstəqilliyinin bərpasında, dövlətçiliyin qorunmasında şəhid və qazilərin rolundan danışıb. O, qeyd edib ki, dünya şöhrətli siyasətçi Heydər Əliyevin ikinci dəfə rəhbərliyi dövründə (1993-2003) Azərbaycan iqtisadiyyatı yenidən quruldu, Silahlı Qüvvələr formalaşdı. Ş.Sabiroğlu bu gün Azərbaycan Ordusunun büdcəsinin Ermənistanın dövlət büdcəsindən ən azı 3 dəfə çox olduğunu vurğulayıb.

 

Tədbirin Azərbaycanın Milli Qəhrəmanı Asif (Fred) Məhərrəmov adına İnkişaf fondu ilə birgə təşkil olunduğunu qeyd edən Ş.Sabiroğlu bildirdi ki, məhbusların bir hissəsi üçün zəruri yardım hazırlanıb. Bildirib ki, yardımın hazırlanmasında Türkiyəli iş adamı Mehmet Akbıyıkın, “Yeni Yurd” Sosial İnkişaf ictimai birliyinin sədri Mahirə Əsədovanın, sədr müavini Dilbər Sultanovanın, Azərbaycan Respublikası Şəhid Ailələrinə “Qayğı” ictimai birliyinin sədri Müşfiq Əliyevin, Qarabağ Müharibəsi Əlilləri, Veteranları və Şəhid Ailələri Cəmiyyəti Nizami rayon şöbəsinin sədri Məhi Mehdiyevin, o cümlədən Hacı Ədalət Məhərrəmov və “Xocalı Soyqırımını Tanıtma” ictimai birliyinin fəal üzvləri – Rauf Mirzəyev və Elxan Haşımovun müstəsna xidmətləri olub.


Azərbaycanın Milli Qəhrəmanı Asif (Fred) Məhərrəmov adına İnkişaf Fondunun sədri, II dərəcəli müharibə əlili Hacı Ədalət Məhərrəmov şəhid və qazilərin qanları hesabına qazanılan müstəqilliyi qorumağın zəruriliyindən danışıb.

 

Türkiyəli iş adamı Mehmet Akbıyık, Qarabağ Müharibəsi Əlilləri, Veteranları və Şəhid Ailələri Cəmiyyəti Nizami rayon şöbəsinin sədri Məhi Mehdiyev, istedadlı müğənnilər - Elşad Qarayev, Araz Hüseynov, bədii qiraət ustası Zeynəb Əlili, “Xocalı Soyqırımını Tanıtma” ictimai birliyinin və “Yeni Yurd” sosial inkişaf ictimai birliyinin sədr müavini (ictimai əsaslarla) Dilbər Sultanova, Qarabağ qazisi İzzət Şirinov çıxışlarında bu cür tədbirlərin mühüm əhəmiyyətini qeyd ediblər.

 

Daha sonra incəsənət ustalarının ifasında maraqlı konsert proqramı keçirilib. Gətirilən yardım məhbuslara təqdim olunub.

Sənan İmanov/Şamilə Şamilqızı
Versus.Az

Xəbər lenti

InvestAZ

Ən çox oxunan xəbərlər

"Azərbaycan Prezidentinə şikayət etməyimə mane olurlar"

İraq türklərinin mənəvi lideri Riyaz Sarıkahyanın ailəsinə ağır itki üz verib

“Bu xəstəlik vaxtı vanna qəbul etmək olmaz”

"Proporsional seçki sistemi ləğv olunandan sonra, vətəndaşlarda partiyalara maraq azaldı"

Qadının ən gizli orqanının sirri açıldı

BSU-da Dövlət Bayrağı Gününə həsr olunmuş tədbir keçirilib

"Keçirilən aksiyalar da xalq naminə deyil, mühacir biznesinin inkişafına yönəlib"

“Bu məsələlər dövlət səviyyəsində araşdırılmalıdır” - MÜSAHİBƏ

MƏN ÇEYNƏNƏN BİR ÖLKƏNİN "HAQQ" BAĞIRAN SƏSİYƏM...

Deputat əlillər, təhsil və Qarabağ həqiqətlərindən danışdı, bir sıra təkliflər irəli sürdü

Onu ömürlük həbs cəzası gözləyə bilər

Suraxanı rayonuna yeni icra başçısı təyin edilib

Zərdaba yeni icra başçısı təyin edildi

Yasamal rayonuna icra başçısı təyin edilib

Prezident yeni təyin olunan icra hakimiyyəti başçılarını qəbul edib