“Bu cür hərəkətlər onların sifariş aldıqları “dairələr” qarşısındakı öhdəliklərindən qaynaqlanır”

16:59 16-04-2018 | icon 139 | KİV
“Bu cür hərəkətlər onların sifariş aldıqları “dairələr” qarşısındakı öhdəliklərindən qaynaqlanır”

 

Vüqar Rəhimzadə: “Qoy xarici qrantlarla qidalanan bu cür ünsürlər xalq qarşısında başı aşağı olsunlar”

 

“Bu gün ölkəmizdə azad mətbuatın inkişafı, KİV-in maddi-texniki bazasının gücləndirilməsi, jurnalistlərin sosial rifahının daha da yaxşılaşdırılması dövlət siyasətinin əsas istiqamətlərindən birini təşkil edir. Son illərdə KİV layihələrinin maliyyələşdirilməsi üzrə müsabiqənin qalibi olan qəzet redaksiyalarına ayrılan maliyyə yardımları və digər vəsaitlər, Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) keçirdiyi fərdi jurnalist yazıları müsabiqələri, xüsusilə də KİV nümayəndələrinə təmənnasız olaraq mənzillərin veilməsi bu reallığı bir daha ortaya qoyur. Təəssüf ki, bəzi hallarda bu sahədə atılan müsbət addımlara qara yaxmağa çalışan üzdəniraqlar əsassız və qərəzli fikirlər səsləndirirlər. Hesab edirəm ki, bu cür hərəkətlər onların sifariş aldıqları “dairələr” qarşısındakı öhdəliklərindən qaynaqlanır.”

 

Bu fikirləri Versus.Az-a Milli Şuranın aprelin 14-də keçirdiyi icazəli mitinqdə keçmiş ədliyyə generalı Vidadi Mirkamalın dövlət tərəfindən mənzillə təmin edilən, orden və medalla təltif olunan bütün jurnalistləri həyasız adlandıraraq onları hakimiyyətin qulu timsalında təqdim etməsinə açıqlamasında “İki Sahil” qəzetinin baş redaktoru Vüqar Rəhimzadə bildirib:

 

““Milli Şura”nın aprelin 14-də keçirilən mitinqində jurnalistləri hədəf götürmək, ev alan, orden və medallarla təltif olunan KİV nümayəndələrinə ləkə yaxmağa çalışmaq dar düşüncənin məhsuludur və qərəzdən başqa bir şey deyil. Bu gün dünyanın bir çox ölkələrində, o cümlədən Azərbaycanda müxtəlif sahələrdə çalışan peşə sahibləri səmərəli fəaliyyətlərinə görə mütəmadi olaraq mükafatlandırılırlar. Təbii ki, bu, həmin insanların fəaliyyətlərini daha da stimullaşdırmaq məqsədi daşıyır, dövlətin öz vətəndaşına nə qədər böyük dəyər verdiyini göstərir.”

 

Jurnalistlərin də hər zaman dövlətin diqqət və qayğısı ilə əhatə olunduğunu vurğulayan V.Rəhimzadə qeyd edib ki, milli mətbuatımızın yaranmasının yubileyləri mərasimlərində KİV-in inkişafında xidmətləri olan jurnalistlər orden və medallarla təltif olunurlar:

 

“Çox xoşbəxtəm ki, mən də bu sıradayam və müxtəlif vaxtlarda möhtərəm Prezidentimiz İlham Əliyev tərəfindən fəxri ad və medalla təltif olunmuşam. Bu, mənim üçün böyük fəxrdir. Hər zaman bu dövlətə, xalqa müxalif olan, xarici dairələrin əlində alətə çevrilən bəzi xainlərin yalan, böhtan xarakterli fikirlərinin isə heç bir mənası və əsası yoxdur. Biz jurnalistlər əsl vətəndaşlıq mövqeyi nümayiş etdirərək öz dövlətimizə, xalqımıza xidmət etməkdən qürur duyuruq. Qoy mənbəyi və mənşəyi məlum olmayan xarici qrantlarla qidalanan bu cür ünsürlər xalq qarşısında başı aşağı olsunlar. Əgər daxillərində zərrə qədər də olsa vicdan varsa...”

 

Tahirə Qafarlı
Versus.Az

Xəbər lenti

InvestAZ

Ən çox oxunan xəbərlər

“Qafqaz üçlüyü”nə VS yanaşma

Bu qadınlar Azərbaycanla əməkdaşlıqda maraqlıdılar

Şanlıurfada Azərbaycan bulvarı açılır

Millət vəkili Beynəlxalq Altın Göl Başarı mükafatına layiq görülüb

Partiya sədrindən Rüstəm İbrahimbəyovla bağlı TƏKLİF

“Rüstəm İbrahimbəyova ən böyük cəza xalqın nifrətidir” - MÜSAHİBƏ

“Millət vəkili İndoneziyada işğalçı Ermənistanın qətlə yetirdiyi körpələrdən danışıb”

rüstəm ibrahimbəyovun stpir-plastikası

"Əlilliyin elmi, metodoloji əsaslarını müəyyən etməliyik"

Ali məktəblər kollec təhsili də verə biləcəklər

"Rüstəm İbrahimbəyov bir daha özünün iç dünyasını göstərdi"

“eManat” pulun qalığını qaytaracaq

Ali məktəblərə müsabiqədənkənar qəbul imkanları artırılır

"“Sapı özümüzdən olan” bəzi “baltalar” hələ də çirkin niyyətlərindən əl çəkmir"

Dövlət qulluğuna qəbul üçün müsahibə elan edilib