Qabil Hüseynli: “Seçki ilə bağlı tənqidləri faciəyə çevirmək lazım deyil”

17:58 17-04-2018 | icon 146 | Siyasət
Qabil Hüseynli: “Seçki ilə bağlı tənqidləri faciəyə çevirmək lazım deyil”

 

“Avropa İttifaqı Azərbaycanın ərazi bütövlüyü məsələsində kifayət qədər ardıcıl mövqe tuta bilər”

 

“Avropa İttifaqı ilə əməkdaşlıq Azərbaycana müsbət vədlər verir. Əgər Avropa İttifaqı ilə beynəlxalq tərəfdaşlıq sənədinə imza atsaq, Avropa İttifaqı Azərbaycanın ərazi bütövlüyü məsələsində kifayət qədər ardıcıl mövqe tuta bilər”.

 

Bunu Versus.Az-a politoloq Qabil Hüseynli Avropa İttifaqı (Aİ) ilə Azərbaycan arasında bağlanacaq yeni tərəfdaşlıq sazişini şərh edərkən bildirib:

 

“Avropa İttifaqı Azərbaycanın ərazi bütövlüyünü tanımaqla bağlı 2 dəfə çox cəsarətli bəyanat yayımlayıb. Hələ beynəlxalq təşkilatlardan heç biri Azərbaycanın ərazi bütövlüyü məsələsini bu cür qaldırmamışdı. Üstəlik, Avropa İttifaqı Kataloniyanın timsalında separatizmə qarşı mövqe ortaya qoyub”.

 

Politoloq bu sazişin Azərbaycan neft və qazının Avropa bazarlarına çıxarılaraq ticari əlaqələrin genişlənməsinə də müsbət təsir edəcəyini önə çəkib. O, bu mənada Azərbaycanın Avropa yönümlü siyasətə üstünlük verməsini mühüm hesab edib.

Seçki ilə bağlı daxildə gedən qara-qışqırığın ənənəyə çevrildiyini deyən politoloq, beynəlxalq hesabatları faciəyə çevirib, bunu dövlətlərarası münasibətlərin pozulmasına yönəltməyi məntiqsiz sayıb:

 

“Belə hesabatlar həmişə olub. Seçkini tənqid edən Avropa təşkilatları bir neçə aydan sonra bunu unudurlar. Ona görə də bu qurumların seçki haqqındakı tənqidlərini faciəyə çevirmək lazım deyil”.

 

Politoloq bildirib ki, Avropa İttifaqı ilə Azərbaycan arasında bağlanan sazişə əsasən önə çəkilən əsas şərtlər demokratik dəyişikliklər, qanunvericiliyin Avropa standartları səviyyəsinə qaldırılması, insan hüquq və azadlıqlarının qorunmasıdır.

Onun sözlərinə görə, Azərbaycan qanunvericiliyi Avropa standartlarına uyğunlaşdırmada xeyli irəliləyişllər əldə etsə də, seçki qanunvericiliyində müəyyən dəyişikliklərin olunması zərurəti qalır.

 

LƏMAN
Versus.Az

Xəbər lenti

InvestAZ

Ən çox oxunan xəbərlər

Xatirəsi bu gün də yaddaşlarda diri qalan həkim

Kərkük əhalisi kəfən geyinib küçələrə çıxdı – VİDEO

Nazir rektorlara tapşırıqlarını verdi

“Əbülfəz bəy niyə xalqa müraciət etmədi, niyə Etibar bəyi çağırmadı?” - LAYİHƏ

Bu qadınlar Azərbaycanla əməkdaşlıqda maraqlıdılar

Millət vəkili nazir və merlə görüşüb

“Məqsədləri Qarabağı Azərbaycandan qoparmaqdır”

"Türkmənlərin pozulan hüquqları bərpa edilsin, parlamentdə təmsil hüquqları tanısın" - BƏYANAT

Prezident Azərbaycanın fəallığını yüksək qiymətləndirib

“Avropa Birliyi normal mövqe sərgiləməlidir”

Növbəti plenar iclasda bu məsələlər müzakirə olunacaq - SİYAHI

Artıq marixuana çəkənlər həbs olunmayacaq

“Səməd Seyidova sanksiya tətbiq etmək absurddur”

“Bu sanksiyalar bumeranq kimi Avropanın özünə qayıda bilər”

Ümumdünya Qadın Sammitində Azərbaycan Xalq Cümhuriyyətindən danışdılar