Azərbaycanlı professorun Meksikada yaşayan qızı

09:49 27-11-2019 | icon 69 | Cəmiyyət
Azərbaycanlı professorun Meksikada yaşayan qızı

Meksika dünya ölkələri arasında ərazisinə görə 13-cü, əhalisinə görə isə 11-ci yerdədir. Burada 130 milyondan çox insan yaşayır. Bu insanların arasında az da olsa azərbaycanlılar var. Bu gün sizə onlardan biri, 1995-ci ildə avtomobil qəzası nəticəsində dünyasını dəyişən əməkdar elm xadimi, hüquq elmləri doktoru, professor, mərhum Tofiq Qafarovun yadigarı - Lalə Qafarzadə haqqında söhbət açmaq istəyirəm...

 

Qərib olmaq, vətəndən uzaqda yaşamaq maddi çətinlik deyil, mənəvi sıxıntıdır. Bu sıxıntıya qalib gəlmək çətin olsa da, Lalə xanım onu dəf etməyi bacarıb. Uzun illərdir ki, anası Elmira xanımı yanına - Meksikaya aparıb, birlikdə yaşayırlar. Axı Vətən Ana, Ana Vətən deməkdir...

 

1961-ci ildə Bakı şəhərində dünyaya gəlib. 1978-ci ildə orta təhsilini Bülbül adına orta ixtisas musiqi məktəbində başa vurub. 1978-1984-cü illərdə BDU-nun Şərqşünaslıq fakultəsində ərəb və rus dilləri üzrə tərcüməçi və müəllim ixtisaslarına yiyələnib. Bir il əlyazmalar institutunda çalışdıqdan sonra, 1986-1990-cı illərdə AMEA-nın Şərqşünaslıq İnstitutunda kiçik elmi işçi vəzifəsində işləyib. Arada iki il SSRİ EA-nın Şərqşünaslıq İnstitutunda elmi təcrübə kurslarında iştirak edib. Rusiyada olarkən Moskva Konservatoriyasının tələbəsi, Fernando Karmona adlı bir meksikalı gənclə tanış olublar. 1989-cu ildə ailə qurduqdan bir il sonra Meksikanın Mexiko şəhərinə köçüblər. Amma bu izdivac uzun sürməyib.1996-cı ildə avtoqəza nəticəsində Fernando dünyasını dəyişib...

 

...Fərhad adında bir oğlu var. 29 yaşındadır. İdman üzrə fotoqrafdır. Hələ ki, ailə qurmayıb...

 

Lalə xanım Meksikaya gəldikdən sonra üç il övladının tərbiyəsi ilə məşğul olub. 1997-ci ilədək rus dilində fərdi dərslər keçib, tərcüməçilik edib. 1997-ci ildə Meksikanın vətəndaşlığını alaraq, Səudiyyə Ərəbistanın Meksikadakı səfirliyində tərcüməçi işləyib. 2004-cü ilin aprel ayınadək orada çalışıb. 2004-cü ildən bu günədək öz evində ərəb, rus və azərbaycan dillərini tədris edir. Eyni zamanda 2010-2017-ci illərdə “Colegio de Mexico”-nun Asiya və Afrika Mərkəzinin orta şərq bölümündə magistr tələbələrə ərəb dilindən dərs verib. Bütün bunlardan əlavə o, Meksika hökumətinin "Diario Oficial de la Federacion" adlı rəsmi bülletenində ərəb, rus, azərbaycan dilləri üzrə tərcüməçidir...

 

Deyir ki,- “Bir filoloq kimi apastrof işarəsinin ana dilimizdən yığışdırılmasının əleyhinəyəm. Bunu tamamilə səhv addım hesab edirəm”...

 

...Nədənsə Meksikada məskunlaşan soydaşlarımızın sayı çox azdır. Bayramlarda görüşüb əlamətdar günləri bir yerdə qeyd etdiklərini, söyləyir. Azərbaycanın Meksikadakı səfirliyinin fəaliyyətindən razı qaldığını, səfirliyin keçirdiyi tədbirlərdə fəal iştirak etdiyini dilə gətirir. İstəyir ki, dünyada, ölkəmizdə həmişə əminamanlıq olsun. İnsanlar xoşbəxt həyat sürsünlər...

 

Pianoda ifa etməyi, kitab oxumağı xoşlayır. Meksikanın görməli yerlərini ziyarət etməkdən zövq alır. Asudə vaxtlarını təbiət qoynunda keçirməyə can atır...

 

Azərbaycanın ən ünlü qadınlarından biri, mərhum Elmira Qafarova onun dost-doğma bibisi olub. Bibisi uzun illər dövlət qulluğunda, mühüm postlarda çalışıb. İdarəetməni, təşkilati məsələləri dərindən bilib. İnanırıq ki, Lalə xanım da Meksikada məskunlaşan soydaşlarımızı bir araya toplayıb, Azərbaycan naminə yorulmadan işlər görəcək. Axı harada bir azərbaycanlı varsa, orada Azərbaycan da var...

Elman Eldaroğlu
Versus.Az

Xəbər lenti

InvestAZ

Ən çox oxunan xəbərlər

"Qubanı Milli Məclisdə təmsil etmək iddiasındayam"

Qarabağa gedən Yolumuz və ölü erməni

"Boykot taktikasına əl atan istənilən siyasi qüvvə iflasa uğrayacaq"

"Biz insanlara vəzifəsinə deyil, şəxsiyyətinə görə dəyər verərik"

Həkim-terapevt Seboreya xəstəliyinin yaranmasına təkan verən patologiyalardan danşdı

713- ün HOÇAZDA SON ŞƏHİDİ

"Xocalı Soyqırımını Tanıtma" ictimai birliyindən nəcib təşəbbüs

"Qadınlar yüksək vəzifələrdə daha çox təmsil olunmalıdırlar" - FOTO

“Gülsam”-ın Uşaq şöbəsinin dərnək üzvləri xeyriyyə satış-yarmarkası təşkil edəcək

"Buyurun, artıq növbədənkənar seçkinin astanasındayıq"

Növbədənkənar seçkiləri labüd edən məqamlar

Yeni ildə bir həftə iş olmayacaq

Dietoloqlar sirri açdılar

60-ın astanasında...

Flora Kərimova İlhamə Quliyeva haqqında bunları dedi