Akif Əlizadə adına təqaüd

15:47 25-04-2018 | icon 539 | Təhsil
Akif Əlizadə adına təqaüd

Azərbaycan Dövlət Neft və Sənaye Universitetinin (ADNSU) tələbələrinə AMEA-nın prezidenti, akademik Akif Əlizadə adına təqaüdün verilməsi nəzərdə tutulur.

 

Versus.Az xəbər verir ki, bunu ADNSU-nun rektoru Mustafa Babanlı AMEA-nın prezidenti, akademik Akif Əlizadəyə universitetin fəxri professoru diplomunun təqdimatı mərasimində çıxış edərkən deyib.

 

A.Əlizadəni Azərbaycanın görkəmli elm xadimi, ölkəmizdə elmi-texniki tərəqqinin və təhsilin hərtərəfli inkişafında əvəzsiz xidmətləri olan təşkilatçı, ensiklopedik təfəkkürə malik olan şəxsiyyət kimi səciyyələndirən rektor M.Babanlı akademikin ADNSU-nun məzunu olmasından bütün ali məktəbin fərəh hissi keçirdiklərini qeyd edib.

 

A.Əlizadənin onun üçün doğma olan tədris ocağı ilə sıx əlaqələr saxladığını qeyd edən rektor M.Babanlı ADNSU-da çalışan əməkdaşların, xüsusilə neftçi və geoloqların, eləcə də elmdə ilk addımlarını atan gənc alimlərin A.Əlizadənin qayğı və dəstəyini daim hiss etdiklərini bildirib.

Təhsil naziri Ceyhun Bayramov A.Əlizadənin Azərbaycanda elmin, o cümlədən geologiya və geofizika elminin inkişafında, həmçinin gənc kadrların formalaşmasında və alim kimi yetişməsində mühüm rol oynadığını qeyd edib.

A.Əlizadənin respublikanın sabit inkişafını təmin edən neft və qaz, polimetal və filiz, qeyri-metal faydalı qazıntı yataqlarının kəşf olunmasında böyük xidmətləri olduğu söyləyən C. Bayramov onun keçdiyi şərəfli həyat yolunun hər bir tələbə və gənc alim üçün örnək olduğunu bildirib.

 

AMEA-nın prezidenti, akademik Akif Əlizadə ADNSU-da təhsil aldığı illəri xatırlayaraq bu ali təhsil ocağında müəllimlərinin onun üzərində böyük əməyi olduğunu deyib. Hazırda Azərbaycanda elm və təhsilin öz inkişafında yeni mərhələyə qədəm qoyduğunu söyləyən AMEA prezidenti müasir dövrdə yüksək intellektli gəncliyin formalaşmasını qarşıda duran vəzifələrdən biri kimi səciyyələndirib. Bu işdə ali məktəblərin üzərinə böyük məsuliyyətin düşdüyünü deyən akademik ADNSU-da təhsilin keyfiyyətinin yüksəldilməsi istiqamətində görülən işləri məmnuniyyət hissi ilə müşahidə etdiyini vurğulayaraq vaxtilə təhsil aldığı ali məktəbin uğurlarına sevindiyini bildirib.

 

Sonra rektor, professor Mustafa Babanlı AMEA-nın prezidenti, akademik Akif Əlizadəyə ADNSU-nun fəxri professor diplomunu təqdim edib.

Xəbər lenti

InvestAZ

Ən çox oxunan xəbərlər

Turan Qurultayının bağlanışında Türk dünyasına Qarabağ çağırışı

Macarıstanda Azərbaycan sərgisi açılıb

Türkmənistan, Qırğızıstan və Rusiyada yaşayan türk xalqlarının təmsilçiləri ilə görüş

Millət vəkili İraq, Krım, Tatarıstan və Noqay türklərinin təmsilçiləri ilə görüşüb

Buğacın Azərbaycan bölgələrindən biri ilə qardaşlaması təklifi

Bu il 700 bal toplayan abituriyentlər rekord sayda olub

İlk dərs bu mövzulara həsr olunacaq

Dövlət Əməyin Mühafizəsi Fondu yaradılacaq

Bu müəllimlərin məsuliyyəti məsələsinə baxılacaq

Siçanlar üzərində aparılan təcrübə göstərib ki...

Bakının bəzi ərazilərində qaz olmayacaq

Hidrometeorologiya Departamenti xəbərdarlıq edib

İcra başçılarına müraciət ünvanlanıb

"Qafqazinfo.az" - 8

"Azərbaycan üçün ayrıca bir İlqar Məmmədov məsələsi yoxdur"