Beynəlxalq rəqs müsabiqəsində qalib oldu

13:02 26-04-2018 | icon 245 | Mədəniyyət
Beynəlxalq rəqs müsabiqəsində qalib oldu

İtaliyada keçirilən Beynəlxalq “San Remo – Junior” festivalında 12 yaşlı soydaşımız Fidan Hüseynova iştirak edib və müsabiqənin qalibi olub.

 

Versus.Az xəbər verir ki, Diasporla İş üzrə Dövlət Komitəsinin məlumatınaa görə, İtaliyada fəaliyyət göstərən “Azəri” Azərbaycan Mədəniyyəti Assosiasiyasının prezidenti, dosent-xoreoqraf, Azərbaycanın əməkdar artisti Mais Nuriyev bildirib ki, dünyanın 16 ölkəsindən, o cümlədən Ermənistandan olan finalçıların arasında Fidan Hüseynova uğurlu çıxışı ilə fərqlənib. Çox güclü rəqiblərlə mübarizə aparan gənc həmvətənimiz Azərbaycan bayrağını yüksəklərə qaldırmağa nail olub.

 

Münsiflər heyətində Mais və Nəzakət Nuriyeva ilə yanaşı təmsil olunan erməni nümayəndənin bütün cəhdlərinə baxmayaraq, festivalın beynəlxalq tərkibli jürisi Fidan Hüseynovanın istedadını yüksək qiymətləndirib. Soydaşımızın uğurlu çıxışı haqqında yalnız jüri üzvləri deyil, festivalda iştirak edən digər sənətçilər və tamaşaçılar da xoş sözlər deyiblər.

 

Beynəlxalq uşaq müsabiqəsində müharibə nəticəsində əlil olmuş uşaqların birgə mahnı oxumasını əks etdirən film nümayiş etdirilib. Filmdən sonra ölkəmizin adı elan olunub və səhnəyə dəvət edilən Fidan Hüseynova əlində Azərbaycan bayrağı dalğalandıraraq “Tell me why” mahnısını simfonik orkestrin müşayiəti ilə ifa edib. Mahnı bitdikdən sonra Fidan Hüseynova zaldakı tamaşaçılara müraciətlə “Biz uşaqlara müharibə verməyin” deyə səslənib.

Festivalın sonunda isə San Remo şəhərinin mərkəzi meydanında parad keçirilib. Azərbaycan heyəti bütün şəhər boyu bayrağımızı dalğalandıraraq digər xalqların nümayəndə heyəti ilə yanaşı, yürüşdə iştrak edib. Yürüş zamanı soydaşlarımıza türkiyəli qrup tərəfindən dəstək göstərilib. Onlar sayca az olan Azərbaycan heyətinə qoşularaq Fidan Hüseynovanın qələbəsini “Azərbaycan, Azərbaycan” şüarları səsləndirməklə qeyd ediblər.

 

Festivalda dünyanın bir sıra ölkəsindən tanınmış mədəniyyət və iş adamları, San Remo şəhərinin rəhbərliyi, beynəlxalq aləmdə tanınmış kinoaktyorlar, Amerikadan dəvət olunmuş prodüsser və digər qonaqlar iştirak edib.

 

SEVDA
Versus.Az

Xəbər lenti

InvestAZ

Ən çox oxunan xəbərlər

Turan Qurultayının bağlanışında Türk dünyasına Qarabağ çağırışı

Macarıstanda Azərbaycan sərgisi açılıb

Millət vəkili İraq, Krım, Tatarıstan və Noqay türklərinin təmsilçiləri ilə görüşüb

Buğacın Azərbaycan bölgələrindən biri ilə qardaşlaması təklifi

Türkmənistan, Qırğızıstan və Rusiyada yaşayan türk xalqlarının təmsilçiləri ilə görüş

Şöbə müdiri olmaq istəyənlərin nəzərinə

Millət vəkili Macarıstanda Qarabağdan danışıb

Nazirlikdən XƏBƏRDARLIQ

Bu il 700 bal toplayan abituriyentlər rekord sayda olub

İxtisas seçimi bu gün başa çatır

İlk dərs bu mövzulara həsr olunacaq

Dövlət Əməyin Mühafizəsi Fondu yaradılacaq

Bu müəllimlərin məsuliyyəti məsələsinə baxılacaq

Siçanlar üzərində aparılan təcrübə göstərib ki...

Bakının bəzi ərazilərində qaz olmayacaq