“Avropa Şurası birinci növbədə öz maraqlarını güdür”

17:40 01-05-2018 | icon 1762 | Siyasət
“Avropa Şurası birinci növbədə öz maraqlarını güdür”

 

Fuad Əliyev: “Yenə də regionda ağalıq etmək niyyətləri öndədir”

 

“Avropa Şurasının hesabatı problemi həll etməyə deyil,  hakimiyyətə təsir etmək niyyəti ilə hazırlanıb. Bu qurum birinci növbədə özünün maraqlarını güdür”.

 

Bunu Versus.Az-a Azərbaycan Liberal Demokrat Partiyasının (ALDP) sədri Fuad Əliyev Avropa Şurasının Azərbaycana dair  son hesabatını şərh edərkən bildirib.

 

Keçmiş sosialist ölkələrinin korrupsiyaya, rüşvətə meyilli olduğunu deyən ALDP sədri, bu gün demokratiyadan danışan, demokratik resurssları olan ölkələrin korrupsiyaya, rüşvətə keçməsini təəssüf hissi ilə qeyd edib:

 

“Azərbaycan hakimiyyətinin belə bir səpkidə göstərilməsi təbii ki, utandırıcı bir haldır. Avropa Şurası hesabatı seçki pozuntuları, cəmiyyətdə demokratiyanın qurulması şərtləri ilə hazırlasaydı bununla razılaşmaq olardı. Avropa yalnız özünə lazım olan məqamlarda Azərbaycan hökumətinə qarşı çıxır. Cəmiyyətin ümumi problemlərinin həlli prosesinə isə laqeyd münasubət sərgiləyir.

 

Ümumən biz də hesab edirik ki, seçkilər demokratik keçirilməyib. Lakin maraqlı məqam odur ki, bu təşkilatlar hər seçkidə belə hesabatlarla diqqət çəksələr də, heç bir nəticəsi olmur. Məsələn, 2010 cu il paralament seçkilərində Avropa Məhkəməsi mənim xeyrimə qərar verib və kompensasiya olaraq balaca bir məbləğin ödənilməsi ilə bağlı qərar çıxarıb. Amma hökumət hələ də onu icra etməyib. Əgər bu qurumun 2010-cu ildə verdiyi qərar bu günə qədər icra olunmayıbsa, onun məsələlərə hər hansı şəkildə müdaxilə etməsi yersizdir. Eləcə də, ATƏT-in Minsk qrupu, Avropa Şurası, BMT artıq öz funksiyalarını itiriblər və  heç bir təsiredici qərarlara malik deyillər. Bu da onlara inamsızlıq yaradır və çıxardıqları hesabatların heç bir əhəmiyyəti olmur”.

 

F.Əliyev bildirib ki, burada əsas addım yenə də regionda ağalıq etmək niyyəti ilə atılıb:

 

“Rusiyanın regionda öz gücünü saxladığını və Azərbaycanla əlaqələrinin genişləndiyini görən Avropa, Qərb vaxtaşırı belə hesabatlar verməklə özünü göstərməyə çalışır”.

 

ARZU
Versus.Az

Xəbər lenti

InvestAZ

Ən çox oxunan xəbərlər

Turan Qurultayının bağlanışında Türk dünyasına Qarabağ çağırışı

Macarıstanda Azərbaycan sərgisi açılıb

Türkmənistan, Qırğızıstan və Rusiyada yaşayan türk xalqlarının təmsilçiləri ilə görüş

Millət vəkili İraq, Krım, Tatarıstan və Noqay türklərinin təmsilçiləri ilə görüşüb

Buğacın Azərbaycan bölgələrindən biri ilə qardaşlaması təklifi

Bu il 700 bal toplayan abituriyentlər rekord sayda olub

İlk dərs bu mövzulara həsr olunacaq

Dövlət Əməyin Mühafizəsi Fondu yaradılacaq

Bu müəllimlərin məsuliyyəti məsələsinə baxılacaq

Siçanlar üzərində aparılan təcrübə göstərib ki...

Bakının bəzi ərazilərində qaz olmayacaq

Hidrometeorologiya Departamenti xəbərdarlıq edib

İcra başçılarına müraciət ünvanlanıb

"Qafqazinfo.az" - 8

"Azərbaycan üçün ayrıca bir İlqar Məmmədov məsələsi yoxdur"