“Bu cür hesabatlar qurumun nüfuzuna xələl gətirir”

18:31 01-05-2018 | icon 335 | Siyasət
“Bu cür hesabatlar qurumun nüfuzuna xələl gətirir”

 

Nəzakət Məmmədova: “Azərbaycanı avropalı deputatların intriqalarına alət etmək bu quruma başucalığı gətirmir”

 

“Avropa Şurasının Azərbaycanı korrupsiyada ittiham etməsini ədalətsiz, qeyri-obyektiv, ikili standartların növbəti təzahürü hesab etmək olar”.

 

Bunu Versus.Az-a politoloq Nəzakət Məmmədova bildirib. O, hesabatın məhz indi yayılmasının bir neçə səbəbini qeyd edib:

 

“Azərbaycanda keçirilən prezident seçkilərində ATƏT-in məlum hesabatının ardından Avropa Şurasının bu cür mövqe nümayiş etdirəcəyi gözlənilən idi. Digər tərəfdən, Ermənistandakı hadisələrin də bu məsələyə təsiri böyükdür. Avropa Şurası bununla regiondakı Qərbyönümlü qüvvələrə xüsusilə mesaj göndərərək onların yanında olduğunu, Rusiya, Türkiyə və İranla normal münasibət saxlayan qüvvələrə qarşı olduğunu göstərmiş oldu.

 

Ermənistandakı hadisələrin cərəyan etdiyi indiki şəraitdə Azərbaycana olan təzyiqləri başqa cür izah etmək mümkün deyil. Eyni zamanda, Azərbaycan prezidentinin seçkilərdən sonra ilk səfərini məhz hazırda Qərblə gərgin münasibətləri olan Türkiyəyə etməsi, burada iki dövlət başçısı Əliyev və Ərdoğan arasında mühüm razılaşmaların imzalanması, Putinin etibarlı silahdaşı Narışkinin ölkəmizə səfəri, Azərbaycanın Çindən silah alması barədə danışıqlar təbii ki, regionu diqqətdə saxlayan Avropalıların narahatlığına səbəb olub”.

 

Politoloq bildirib ki, Azərbaycan heç bir qanun pozuntusuna yol verməyib:

 

“Avropadan gələn deputatlara beynəlxalq nəzakət, diplomatik protokol və etiket qaydaları çərçivəsində qonaqpərvərlik münasibəti göstərib. Bunu şişirdib korrupsiya, rüşvət kontekstində hallandırmaq doğrudan da çox cəfəng bir işdir. Avropa Şurasının məsuliyyət zonasına daxil olan ərazilərdə o qədər qlobal problemlər var ki, yaxşı olardı Avropa Şurası öz diqqətini bu məsələlərə yönəltsin. Azərbaycanı avropalı deputatların intriqalarına alət etmək Avropa Şurası kimi mötəbər bir quruma başucalığı gətirmir. Bu cür hesabatlar qurumun nüfuzuna yalnız xələl gətirir”

 

Ləman
Versus.Az

Xəbər lenti

InvestAZ

Ən çox oxunan xəbərlər

Turan Qurultayının bağlanışında Türk dünyasına Qarabağ çağırışı

Macarıstanda Azərbaycan sərgisi açılıb

Türkmənistan, Qırğızıstan və Rusiyada yaşayan türk xalqlarının təmsilçiləri ilə görüş

Millət vəkili İraq, Krım, Tatarıstan və Noqay türklərinin təmsilçiləri ilə görüşüb

Buğacın Azərbaycan bölgələrindən biri ilə qardaşlaması təklifi

Bu il 700 bal toplayan abituriyentlər rekord sayda olub

İlk dərs bu mövzulara həsr olunacaq

Dövlət Əməyin Mühafizəsi Fondu yaradılacaq

Bu müəllimlərin məsuliyyəti məsələsinə baxılacaq

Siçanlar üzərində aparılan təcrübə göstərib ki...

Bakının bəzi ərazilərində qaz olmayacaq

Hidrometeorologiya Departamenti xəbərdarlıq edib

İcra başçılarına müraciət ünvanlanıb

"Qafqazinfo.az" - 8

"Azərbaycan üçün ayrıca bir İlqar Məmmədov məsələsi yoxdur"