Məmməd Əmin Rəsulzada - 136 - FOTO

14:38 31-01-2020 | icon 328 | Mədəniyyət
Məmməd Əmin Rəsulzada - 136 - FOTO

Məmməd Əmin Rəsulzadənin anadan olmasının 136-cı ildönümünə həsr olunmuş beynəlxalq konfrans keçirilir.

 

Versus.Az xəbər verir ki, yanvarın 30-da “Məhəmməd Əmin Rəsulzadənin Ev Muzeyi” İctimai Qrupunun təşəbbüsü ilə “Məhəmməd Əmin Rəsulzadə irsi Müstəqillik, Demokratiya və Dövlətçilik dəyərləri sistemində” mövzusunda Beynəlxalq konfrans işə başlayıb.

 

Konfransdan əvvəl tədbir iştirakçıları tərəfindən Novxanı kəndində M.Ə.Rəsulzadənin heykəlinin önündə xatirəsi anıldı. Daha sonra konfransın açılış mərasimi Park İnn oteldə öz işinə başladı.

 

Dövlət Himni səsləndirildikdən sonra konfransı giriş sözü ilə t.ü.e.d., professor Solmaz Rüstəmova-Tohidi açdı, M.Ə.Rəsulzadənin həyat və yaradıçılığını yad etdi.

 

Beynəlxalq konfransda M.Ə.Rəsulzadənin irsi, həyat və yaradıcılığı ilə məşğul olan azərbaycanlı alimlərlə yanaşı Rusiyadan, Ukraynadan, Gürcüstandan, İrandan, Türkiyədən, Polşa və Almaniyadan gəlmiş tarixçilər də iştirak və çıxış edib. Konfransa gələ bilməyənlər iştirakçılarla videomüraciətlə əlaqə saxladılar.

 

Türkiyə Respublikasının Azərbaycandakı fövqəladə və səlahiyyətli səfiri Erkan Özoral konfransda M.Ə.Rəsulzadə haqqında möhtəşəm çıxış etdi. Konfransın birinci gününün sonunda t.ü.f.d., dosent Firdovsiyyə Əhmədova “Məhəmməd Əmin Rəsulzadənin Ev Muzeyi” İctimai Qrupunun adından Muzeyin açılması ilə əlaqədar Azərbaycan Respublikasının Prezidenti İlham Əliyevə müraciət layihəsini səsləndirdi.

 

Bu gün konfrans AMEA Milli Azərbaycan Tarixi Muzeyində öz işinə davam etdi.

Dövlət Himninin səsləndirilməsindən sonra giriş sözü ilə AMEA Milli Azərbaycan Tarixi Muzeyinin direktoru, akademik Nailə Vəlixanlı çıxış etdi.

 

İştirakçıları salamladıqdan sonra qeyd etdi ki, bu gün Azərbaycan xalqının görkəmli vətənpərvər oğlu, ictimai-siyasi xadim M.Ə.Rəsulzadənin 136 ili tamam olur. M.Ə.Rəsulzadəni və silahdaşlarını Azərbaycanda, o cümlədən muzeyimizdə ehtiramla yad edirik. Onlar Azərbaycanda dövlətçilik ənənəsini dirçəldən böyük şəxsiyyətlərdir.

 

M.Ə.Rəsulzadədən əvvəl Babək "Bir il azad yaşamaq, qırx il qul kimi yaşamaqdan yaxşıdır" deyərək, bizi vətənpərvərliyə təşviq etmişdir.

Ümummilli lider Heydər Əliyev M.Ə.Rəsulzadəyə böyük dəyər vermiş, Ankaradakı məzarını ziyarət etmişdir. Prezident İlham Əliyev 2014-cü ildə M.Ə.Rəsulzadənin 130 illik yubileyinin və 2018-ci ildə AXC-nin 100 illiyinin keçirilməsi üçün sərəncamlar vermiş və icra olunmuşdur. M.Ə.Rəsulzadə daim Azərbaycanın var olacağına inanmış və "Bir kərə yüksələn bayraq bir daha enməz" demişdir. Sonra Nailə xanımın təklifi ilə M.Ə.Rəsulzadənin ruhu bir dəqiqəlik sükutla yad edildi. Sonra beynəlxalq konfrans müxtəlif çıxışlarla öz işinə davam etdi.

Ayəndə Dadaşova
Versus.Az

Xəbər lenti

InvestAZ

Ən çox oxunan xəbərlər

Əməkdar artistin 61 yaşı tamam olur

“Qəbələ” çilili hücumçu ilə müqavilə imzalayıb

30 saylı Suraxanı birinci Seçki Dairəsindən deputatlığa qeydə alınmış namizədləri BƏYANAT yaydı

İrəvanda Xocalı soyqırımı ilə bağlı sorğu - Türk bloqqer Ermənistanda+Video

Bu, düz bağırsaq xərçənginin əlaməti də ola bilər

Ermənilər Laçın və Kəlbəcərdə 27 ev, yeni məktəb binası tikir - FOTO

Bu Milli Məclisdə 9 partiya təmsil olunacaq - SİYAHI

Atəşkəs rejimi 22 dəfə pozulub

Futboldakı problemləri açıb tökdü

Prezident İlham Əliyev Avropa çempionatında uğur qazanan güləşçilərimizi təbrik edib

Mehriban Əliyeva güləşçilərimizi təbrik etdi 

Sabahın hava proqnozu

Ermənilər Xocalıda at oynadır

Milli Məclisə yeni sədr seçiləcək

"Millimizin yeni baş məşqçisi əcnəbi olacaq"