"Sabah Ermənistan üçün yeni bir dövrün başlanğıcı ola bilər"

17:06 08-05-2018 | icon 158 | Geopolitika
"Sabah Ermənistan üçün yeni bir dövrün başlanğıcı ola bilər"

"Bu gün Paşinyan Ermənistan parlamentində baş nazir seçiləcək. Müxalifətin kommunikasiya izolyasiyası əməliyyatından sonra Respublikaçılar Partiyası elan etdi ki, Paşinyanın baş nazirliyini dəstəkləyəcək. Ola bilsin ki, sabah Ermənistan üçün yeni bir dövrün başlanğıcı olsun".

 
 
Versus.Az xəbər verir bu fikirləri Teleqraf.com-a Vətəndaş və İnkişaf Partiyasının sədri Əli Əliyev sabah Ermənistanda müxalifətin hakimiyyətə gəlmək şansını şərh edərkən deyib.
 
 
VİP sədri bildirib ki, Ermənistanın hakim partiyası qarşıdurmaya getməmək naminə Paşinyana dəstək vermək öhdəliyini götürüb:
 
"Bu da o deməkdir ki, Ermənistan yeni siyasi mərhələyə daxil olur. Fikrimcə, orada növbədənkənar parlament seçkiləri keçiriləcək. Yeni parlament seçkilərində respublikaçılar uduzacaq. Seçkilərdə daha çox bu prosesdə xalqın yanında olan Paşinyan və Daşnaksütyun Partiyası irəli çıxacaq. Çünki bu partiya hakim koalisiyadan çıxaraq, müxalif Paşinyanı müdafiə edib. Bu baxımdan yaxın gələcəkdə Ermənistanda legitim, Qərb və Rusiya arasında balans saxlayacaq hökumət formalaşa bilər”.
 
 
Əl Əliyev hesab edir ki, əgər Paşinyan baş nazir seçilsə, bunun Dağlıq Qarabağ münaqişəsinə müsbət təsiri olmayacaq:
 
 
"Dağlıq Qarabağ məsələsində Paşinyan aqressiyasına görə Sərkisyandan geri qalan siyasətçi deyil. Bu səbəbdən də Dağlıq Qarabağ məsələsində bizim gözlədiyimiz müsbət nəticələr əldə olunmayacaq”.
 
 
Rusiyanın Ermənistanda yeni revanş götürməsinə gəldikdə Əli Əliyev deyib ki, Paşinyan ağıllı siyasətçi olduğundan Rusiyaya buynuz göstərməyəcək:
 
"Paşinyan çalışacaq ki, Rusiya ilə yumşaq münasibətlər fonunda Qərblə yaxınlaşma əldə etsin. Sözsüz ki, Paşinyan Ermənistanın Avropa Birliyi ilə inteqrasiyanın tərəfdarı olacaq. Məncə, Gürcüstansayağı Avropa Birliyinə qoşulmaq istəyəcək, Şengen müqaviləsinə can atacaq, Avropa dəyərlərini ölkəyə gətirmək üçün cəhdlər edəcək. Xaricdəki erməni diasporu Sərkisyanın hakimiyyətdən getməsini bayram etdi. Erməni diasporu Qərbyönlü Ermənistan istəyir. Sərkisyan isə buna mane olurdu. Belə xətt Qarabağ məsələsində bizim üçün üstünlük yarada bilər. Ermənistan tam Avropa Birliyinə meyllənsə və Moskva ilə ziddiyyət yaransa, Rusiya Azərbaycanın Qarabağda hərbi əməliyyatlara başlamasına mane olmaz”.

Xəbər lenti

InvestAZ

Ən çox oxunan xəbərlər

Turan Qurultayının bağlanışında Türk dünyasına Qarabağ çağırışı

Macarıstanda Azərbaycan sərgisi açılıb

Türkmənistan, Qırğızıstan və Rusiyada yaşayan türk xalqlarının təmsilçiləri ilə görüş

Millət vəkili İraq, Krım, Tatarıstan və Noqay türklərinin təmsilçiləri ilə görüşüb

Buğacın Azərbaycan bölgələrindən biri ilə qardaşlaması təklifi

Bu il 700 bal toplayan abituriyentlər rekord sayda olub

İlk dərs bu mövzulara həsr olunacaq

Bu müəllimlərin məsuliyyəti məsələsinə baxılacaq

Dövlət Əməyin Mühafizəsi Fondu yaradılacaq

Siçanlar üzərində aparılan təcrübə göstərib ki...

Bakının bəzi ərazilərində qaz olmayacaq

Hidrometeorologiya Departamenti xəbərdarlıq edib

İcra başçılarına müraciət ünvanlanıb

"Qafqazinfo.az" - 8

"Azərbaycan üçün ayrıca bir İlqar Məmmədov məsələsi yoxdur"