Böyük Britaniya kraliçasına Qarabağ atları üzərində şou

12:43 15-05-2018 | icon 195 | Gündəm
Böyük Britaniya kraliçasına Qarabağ atları üzərində şou

May ayının 10-13 tarixlərində Britaniya Kraliçası II Elizabetin doğum günü ərəfəsində təşkil olunan “Royal Windsor Horse Show” adlı tədbirdə xalqımızın mədəni sərvəti olan Qarabağ atları üzərində hazırlanmış “Od­lar Yurdu – Azərbaycan” adlı möh­təşəm şou-proqram tədbir izləyicilərinə nümayiş etdirilib və böyük rəğbətlə qar­şılanıb.

 

Versus.Az xəbər verir ki, 84 nəfərdən ibarət Azərbaycan nümayəndə heyəti tərəfindən hazır­lanmış möhtəşəm bədii kompozisiya tədbir izləyicilərinin diqqət mərkə­zində olub, kütləvi informasiya vasitələrində və sosial mediada geniş işıqlandırılıb.

Bu il 75 illik yubileyini qeyd edən “Royal Windsor Horse Show” atçılıq tədbirində Azərbaycan nümayəndə heyətinin 2012-ci ildən işti­rak etməsi nəticəsində tamaşaçılar vətənimizin mərdlik, igidlik, şücaət simvollarından olan Qara­bağ atına valeh olub.

Təsadüfi deyil ki, 1956-cı ildə II Elizabetə hədiyyə olunan ilk Qara­bağ atı – “Zaman” Böyük Bri­taniyada Azər­baycanın qədim atçılıq mədəniyyətini ilk dəfə tanıdıb.

 

“Odlar Yurdu – Azərbaycan” adlı bədii kom­pozisiyada əməkdar artist Natiq Şirinovun rəhbərliyi ilə “Natiq” ritm qrupunun ecazkar musiqi müşa­yiətinin sədaları altında məşqçi Azər Həmzəyevin rəhbərliyi ilə Dövlət Sərhəd Xidmətinin 20 süvarisi Qarabağ atlarının belində inanılmaz və möhtəşəm atçılıq məharəti nümayiş etdiriblər.

Əməkdar artist Nicat Kazımovun quruluş verdiyi 12 dəqiqəlik proqramda əmək­dar artisti Nailə Məm­mədzadənin rəhbərliyi ilə “Sərhədçi” rəqs an­samblı, alov püskürən fa­kirlər qrupu və iki gənc rəssam öz baca­rıqlarını göstəriblər.

12 may 2018-ci il tarixində Azərbaycan nümayəndə heyəti Böyük Britaniya taxt-tacının sahibi, Ülyahəzrət Kraliça II Elizabetlə görüşmüş və Qarabağ atının tuncdan hazırlanmış heykəlini rəsmi hədiyyə olaraq təqdim edib.

Xəbər lenti

InvestAZ

Ən çox oxunan xəbərlər

ALDP Gəncədə baş verən hadisələri pisləyir - BƏYANAT

"Həmin şəxslər qanun qarşısında cavab verəcəklər"

Gəncə hadisələrinin gizlinləri - faktlar, təfərrüat, "oyunçu"lar - Elçin Alıoğlunun yazısı

"Baş verənlər dövlətçiliyimizə qarşı yönəlmiş provokasiyadır"

XİN bəyanat yayıb

Ətraf mühiti pozanlarla bağlı 21 iş

"Dövlətimizin yanında olmalıyıq"

"Radikalizmə qarşı mübarizədə qətiyyətli olmalıyıq"

Ermənilər atəşkəsi 81 dəfə pozdu

"Süni əngəl və maneələrə yol verilməməlidir"

“ALDP Kuboku” uğrunda nərd yarışı - QALİBLƏR

Turist axınının artımı gözlənilir

AXCP sədri bəyan etdi: Dövlətə qarşı bu tip üsyanı qəbul etmirəm

"Bu, əsl erməni həyasızlığı idi"

“Cümhuriyyət üçün yaz” - MÜSABİQƏNİN QALİBLƏRİ