Məhəmməd Əmin Rəsulzadənin məktublarının təqdimatı

15:48 16-05-2018 | icon 283 | Cəmiyyət
Məhəmməd Əmin Rəsulzadənin məktublarının təqdimatı

 

Azərbaycan Respublikası Prezidentinin sərəncamına əsasən, Azərbaycan Cümhuriyyətinin 100 illiyinə həsr olunmuş keçirilən tədbirlər çərçivəsində Milli Azərbaycan Tarixi Muzeyində Məhəmməd Əmin Rəsulzadənin öz xətti ilə yazılmış məktublarının təqdimatı baş tutub.

 

Versus.Az-ın məlumatına görə, məktubların sayı iyirmidən çoxdur və onlar 1950-55-ci illərdə Süleyman Təkinərə (Məmmədov Süleyman Məmmədəli oğlu, Mərdəkan) adlı şəxsə yazılıb. Süleyman Təkinər Böyük Vətən Müharibəsi illərində əsir düşmüş və Müharibə bitdikdən sonra bir çox Avropa ölkələrini dolaşaraq, sonunda Türkiyədə məskunlaşıb. Elə burada da özünün ən böyük arzusuna qovuşub. İllərlə axtardığı böyük Məhəmməd Əmin Rəsulzadə ilə görüşüb.

 

Publisist, jurnalist və ədəbiyyatşünas Süleyman Təkinər siyasi mühacir ömrünü yaşayıb. Azərbaycan ədəbiyyatına dair bir neçə əsərin müəllifidir. Hətta M.Ə.Rəsulzadə ona tövsiyyə edirdi ki, o, öz yazılarını rus dilinə də çevirərək, dərc etdirsin. M.Ə.Rəsulzadə öz məktublarında S.Təkinərin fəaliyyəti və yaradıcılığı ilə əlaqədar öz fikirlərini bölüşərək, tövsiyyələrini də verir.

 

Burada Türkiyədə mühacir həyatını yaşayan azərbaycanlılar haqqında da məlumatlar var. Bu məktubların arasında M.Ə.Rəsulzadənin vizit kartı da var. Onları muzeyə S.Təkinərin qohumları çatdırıb. Vətəni ilə 50 il ayrılıqdan sonra, S.Təkinər 1992-ci ildə Azərbaycana qonaq gəlir və özü ilə bu məktubları gətirərək, onları qohumlarına təhvil veribmiş. Təsadüf nəticəsində uzun illərdən sonra MATM müdiriyyətinin xahişi ilə bu məktublar muzey kolleksiyasını zənginləşdirdi.

 

Təqdimat mərasimində S.Təkinərin Almaniyada yaşayan qızı Leyla Firəngiz Deqler də iştirak edib. S.Təkinərin qardaşının nəticəsi Səbirə Həsənova M.Rəsulzadənin yazdığı və bu vaxta kimi heç kəsin eşitmədiyi bir şeiri səsləndirib.

 

Tədbirin sonunda hər iki tərəf bir-birinə xatirə hədiyyələri təqdim edib.

 

Ayəndə Dadaşova
Versus.Az

Xəbər lenti

InvestAZ

Ən çox oxunan xəbərlər

Turan Qurultayının bağlanışında Türk dünyasına Qarabağ çağırışı

Macarıstanda Azərbaycan sərgisi açılıb

Millət vəkili İraq, Krım, Tatarıstan və Noqay türklərinin təmsilçiləri ilə görüşüb

Buğacın Azərbaycan bölgələrindən biri ilə qardaşlaması təklifi

Türkmənistan, Qırğızıstan və Rusiyada yaşayan türk xalqlarının təmsilçiləri ilə görüş

Şöbə müdiri olmaq istəyənlərin nəzərinə

Millət vəkili Macarıstanda Qarabağdan danışıb

Nazirlikdən XƏBƏRDARLIQ

İxtisas seçimi bu gün başa çatır

Bu il 700 bal toplayan abituriyentlər rekord sayda olub

İlk dərs bu mövzulara həsr olunacaq

Dövlət Əməyin Mühafizəsi Fondu yaradılacaq

Siçanlar üzərində aparılan təcrübə göstərib ki...

Bakının bəzi ərazilərində qaz olmayacaq

Bu müəllimlərin məsuliyyəti məsələsinə baxılacaq