Partiya sədrindən Rüstəm İbrahimbəyovla bağlı TƏKLİF

09:24 24-05-2018 | icon 268 | Gündəm
Partiya sədrindən Rüstəm İbrahimbəyovla bağlı TƏKLİF

 

Əli Əliyev: “Qoy, nazirimiz nankor ssenaristdən imtina etsin”

 

 

“Rüstəm İbrahimbəyovun çəkdiyi film ciddi müzakirə olunur. Təsadüfi heç nə yoxdur. O zaman da prezidentlik eşqinə düşməsinin səbəbi barədə danışanda demişdim ki, bunun davası qarın davasıdır. Əks halda, nədən qəflətən xalq yadına düşdü, YAP-ın qüsurlarını görməyə başladı? Müxalifətə simpatiyası İlham Əliyevdən qisas almaq, sahibi Putinin əlinə oynamaq istəyindən yaranmışdı”.

 

Versus.Az-ın məlumatına görə, bunu “Qafqaz üçlüyü” filminin ssenari müəllifi olan Rüstəm İbrahimbəyovla bağlı açıqlamasında Vətəndaş və İnkişaf Partiyasının sədri Əli Əliyev bildirib:

 

“Məsələ ilə bağlı danışmağa mənəvi haqqım var. O dövrdə az adamlardan idim ki, İbrahimbəyovun, bütövlükdə Milli Şuranın üzərinə gedirdim. Çətin idi. Amma bilirdim ki, Putinin planına ayaq vermək olmaz. Baş tutmadı o proje. Nəyə təəccüb edirik ki? Öz mədəsi üçün yaşayan, obyektlərini işə salmaq üçün başqasının aləti olmağa müntəzirin, ölkəni təslim etməkdən ötrü əldən gedən birisinin belə ssenarisinə nədən təəccüb edirik? Onu ilk növbədə YAP uzun illər bəsləyib. Bakıdakı çoxşaxəli biznesinin "dobro"su iqtidardan gəlməmişdimi? Yəni İbrahimbəyov meyvəsi, həm də hakimiyyət bağçasının məhsuludur. Əlbəttə ki, onu vasitə kimi başına çıxaran müxalifət kəsiminin də günahı az deyil. Bir sözlə, İbrahimbəyov nümunəsi bir daha göstərir ki, kosmopolitizm təhlükəli ünsürdür. Belələrinə səlahiyyət vermək olmaz. Nə yazıqlar ki, iqtidarın bəslədikləri sırasında belələri çoxdur. Yalları kəsilən kimi nəinki sahibinə, bütün dəyərlərə də şıllaq atarlar”.

 

Partiya sədri açıqlamasında təklif də irəli sürüb. Bildirib ki, hakimiyyətin asilərdən ictimai şəkildə imtinasının davamı olaraq, xarici işlər naziri Elmar Məmmədyarov Rüstəm İbrahimbəyovdan imtina etsin:

 

“İbrahimbəyov xarici işlər naziri Məmmədyarovun yaxın qohumudur. Təkcə iqtidara deyil, bütövlükdə millət və dövləti aşağılayıb, bizimlə düşmənçilik edən tərəfə qulluq mövqeyindən çıxış edib. Qoy, nazirimiz nankor ssenaristdən imtina etsin. Bununla da cəmiyyət iqtidar üçün dövləti maraqlarla şəxsi maraqları arasında bərabərlik işarəsinin olduğundan xətircam olar”.

 

LƏMAN
Versus.Az

Xəbər lenti

InvestAZ

Ən çox oxunan xəbərlər

Turan Qurultayının bağlanışında Türk dünyasına Qarabağ çağırışı

Macarıstanda Azərbaycan sərgisi açılıb

Türkmənistan, Qırğızıstan və Rusiyada yaşayan türk xalqlarının təmsilçiləri ilə görüş

Millət vəkili İraq, Krım, Tatarıstan və Noqay türklərinin təmsilçiləri ilə görüşüb

Buğacın Azərbaycan bölgələrindən biri ilə qardaşlaması təklifi

Bu il 700 bal toplayan abituriyentlər rekord sayda olub

İlk dərs bu mövzulara həsr olunacaq

Dövlət Əməyin Mühafizəsi Fondu yaradılacaq

Bu müəllimlərin məsuliyyəti məsələsinə baxılacaq

Siçanlar üzərində aparılan təcrübə göstərib ki...

Bakının bəzi ərazilərində qaz olmayacaq

Hidrometeorologiya Departamenti xəbərdarlıq edib

İcra başçılarına müraciət ünvanlanıb

"Qafqazinfo.az" - 8

"Azərbaycan üçün ayrıca bir İlqar Məmmədov məsələsi yoxdur"