“Özlərini müxalifətin aparıcı simaları hesab edirlər, amma...”

15:03 04-06-2018 | icon 244 | Siyasət
“Özlərini müxalifətin aparıcı simaları hesab edirlər, amma...”

 

Fuad Əliyev: “Bu cəbhədə yaranmış gərginlik məlum “qrant davası” ilə yanaşı, onların “körpüləri yandırmaları”nın nəticəsidir”

 

 

“Cəbhəçilər heç də hakimiyyətə gəlmək marağında deyillər.  Onlara özlərini müxalifətdə aparıcı kimi göstərmək bəs edir. Ona görə də istənilən yeni qüvvə meydana çıxan kimi, buna qısqanclıqla yanaşır və istənilən vasitələrdən istifadə edərək onları aşağılamağa başlayırlar. Bu gün Əli Kərimliyə qarşı olan çıxışlar və bu cəbhədə yaranmış gərginlik məlum “qrant davası” ilə yanaşı, onların “körpüləri yandırmaları”nın nəticəsidir”.

 

Bunu Versus.Az ALDP sədri Fuad Əliyev son günlər AXCP ətrafında cərəyan edən mübahisəli məqamlarla bağlı açıqlamasında bildirib:

 

“Hesab edirəm ki, Əli Kərimlinin bu davasının müxalifətə aidiyyatı yoxdur. Əgər kimsə özünü, öz liderini aparıcı kimi görmək istəyirsə, bu onların problemləridir”.

 

ALDP sədri bildirib ki, aralarında mübarizə gedən təşkilatlardan birinin sədri, digərinin müavini bu gün həbsxanada olsalar da, heç bir siyasi qüvvə onları müdafiə etmir. Bu da həmin təşkilatların özlərini ümummüxalifətdən təcrid etməsi ilə bağlıdır:

 

“Bu iki-üç qüvvə həmişə özlərini müxalifətin aparıcı simaları hesab edirlər. Amma ortada heç bir fəaliyyətləri yoxdur. Əksinə, hamıya saymazyana yanaşıb, onlara ünvanlanan dəvətləri qəbul etməyiblər. Bu gün isə düşdükləri durumu müxalifətin daxilində baş verən gərginlik kimi qələmə verib, bunu özlərinə qarşı olan hücumlarla əlaqələndirirlər. Tamamilə yanlışdır. Mən müxaifətin daxilində gərginliyin olduğunu düşünmürəm. Bu,  özlərinin yaratdığı gərginlikdir və əziyyətini də çəkirlər”.

 

Fuad Əliyev Əli Kərimliyə qarşı “hücumların” hakimiyyətin diqtəsi ilə baş verməsi ilə bağlı səslənən fikirlərə də birmənalı yanaşmayıb. Onun sözlərinə görə, bu təşkilatlar hər dəfə nə isə törədib bunu hakimiyyətin üstünə yükləməklə xüsusi bir ortam yaratmağa adət ediblər:

 

“Seçkilərdə müxalifətdən kimsə parlamentə düşəndə də bunu hakimiyyətin təşkil etdiyini deyirlər. Yəqin ki, hakimiyyətin bir hissəsi burda öz rolunu oynayıb. Amma təhqirlərlə danışan müxalifətin hakimiyyətlə işbirliyində olması fikri ilə razılaşa bilmərəm. Bir reallıq var - Əli Kərimli və digərilərinin ətrafında yaranmış vəziyyəti elə özləri yaradıblar. Başqalarına olan münasibətləri daxildə bir-birinə qarşı əks fikirlərin yaranmasına səbəb olub. Nəyə görə normal fəaliyyət göstərən partiyaların adları belə işlərdə hallanmır?..”

 

LƏMAN
Versus.Az

Xəbər lenti

InvestAZ

Ən çox oxunan xəbərlər

Turan Qurultayının bağlanışında Türk dünyasına Qarabağ çağırışı

Macarıstanda Azərbaycan sərgisi açılıb

Millət vəkili İraq, Krım, Tatarıstan və Noqay türklərinin təmsilçiləri ilə görüşüb

Buğacın Azərbaycan bölgələrindən biri ilə qardaşlaması təklifi

Türkmənistan, Qırğızıstan və Rusiyada yaşayan türk xalqlarının təmsilçiləri ilə görüş

Şöbə müdiri olmaq istəyənlərin nəzərinə

Millət vəkili Macarıstanda Qarabağdan danışıb

Nazirlikdən XƏBƏRDARLIQ

İxtisas seçimi bu gün başa çatır

Bu il 700 bal toplayan abituriyentlər rekord sayda olub

İlk dərs bu mövzulara həsr olunacaq

Dövlət Əməyin Mühafizəsi Fondu yaradılacaq

Siçanlar üzərində aparılan təcrübə göstərib ki...

Bakının bəzi ərazilərində qaz olmayacaq

Bu müəllimlərin məsuliyyəti məsələsinə baxılacaq