“Xankəndində baş verənlər öncədən ssenariləşdirilib”

21:50 05-06-2018 | icon 108 | Geopolitika
“Xankəndində baş verənlər öncədən ssenariləşdirilib”

  

“Bir həftə öncəki açıqlamalarımdan birində separatçı Dağlıq Qarabağ ermənilərinin həm Saakyan rejiminə qarşı, həm də rəsmi İrəvana qarşı qalxacaqlarını vurğulamışdım. Budur, separatçı "DQR"-də vəziyyətin gərginləşəcəyi barədə proqnozlar artıq özünü doğrultmağa başlayıb.

 

Versus.Az-ın məlumatına görə, bunu Demokratik Azərbaycan Dünyası Partiyasının (DADP) sədri Əlisahib Hüseynov Ermənistandakı yeni hökumətin və Xankəndindəki köhnə rejimin fəaliyyətindən narazı qalan Dağlıq Qarabağ ermənilərinin kütləvi etiraz aksiyalarına başlamasıyla bağlı açıqlamasında bildirib.

 

Partiya sədri vurğulayıb ki, etiraz aksiyalarının qarşısını almaq üçün Xankəndinə gedən Ermənistan Təhlükəsizlik Xidmətinin əməkdaşları ilə əhali arasında hətta kütləvi qarşıdurma da baş verib:

 

“Küçələr bağlanıb, binalar mühasirəyə alınıb. Aksiyada Dağlıq Qarabağın Ermənistana birləşdirilməsi şüarları da səsləndirilib. Bako Saakyanın idarə etdiyi mafioz-quldur rejimdən bezən Qarabağdakı ermənilər indi hansı yolla olursa olsun, bu rejimdən xilas olmaq istəyirlər. Bir erməni ekspertinin də dediyi kimi, “hətta elə insanlar var ki, xilas yolunun Yerevandan, yoxsa Bakıdan gəlməsinin fərqinə varmırlar. Azərbaycan ordusu Xankəndinə gəlsə və erməniləri mövcud rejimdən xilas etsə, hər kəs onlara təşəkkür edəcək”. Yəni vəziyyət o həddə çatıb”.

 

Qeyd edək ki, situasiya anbaan gərginləşməkdədir, etiraz edənlərin nümayəndələri ultimatum irəli sürüblər və güc strukturları rəhbərlərinin danışıqsız istefasını tələb edirlər. Ermənistanın sabiq prezidenti Levon Ter-Petrosyan da Azərbaycanın işğal altındakı Dağlıq Qarabağ bölgəsində son günlər baş verən hadisələrə dair bəyanat verib. O, Ermənistan hakimiyyətini maksimal sürətlə və operativ şəkildə situasiyaya müdaxilə etməyə, Dağlıq Qarabağdakı qondarma rejimə dəstək verməyə çağırıb.

 

Ə.Hüseynov bildirib ki, göründüyü kimi, həmişə Azərbaycanla sülh münasibətlərinin vacibliyindən danışan L.Ter-Petrosyan da bəd ayaqda əsl erməni xislətini ortaya qoyur, Dağlıq Qarabağdakı hazırki separatçı rejimi dəstəkləməyin vacibliyini qeyd edir:

 

“Məsələnin mahiyyətində isə sadəcə hakimiyyət amili dayanır. Yəni ki, Ermənistanda hakimiyyəti ələ keçirən Paşinyan indi də Xankəndindəki qondarma rejimin idarəetmə sükanının arxasına öz adamını yerləşdirmək istəyir və bununçün Xankəndindəki narazı kəsimin etiraz əhval-ruhiyyəsindən yararlanmağa çalışır. Bu mənada, bu gün Xankəndində baş verən olayların hamısı öncədən ssenariləşdirilmiş məsələlərdir. Odur ki, biz Dağlıq Qarabağdakı ermənilərin Azərbaycan bayrağını qaldırıb rəsmi Bakıdan kömək istəyəcəkləri versiyasına inanmamalıyıq. Bu da ermənilərin növbəti hiyləsidir. Paşinyan hökuməti ilə köhnə S.Sərkisyan-B.Saakyan klanı öz aralarındakı siyasi mübarizədə üstünlüyü ələ almaq üçün necə deyərlər, "Azərbaycan kartı"ndan bir-birilərinə qarşı istifadə edirlər”.

 

Partiya sədrinin sözlərinə görə, hər iki tərəf bir-birini Azərbaycanın yaranmış vəziyyətdən Dağlıq Qarabağın işğaldan azad edilməsi üçün istifadə edəcəyi təhlükəsi ilə qorxutmağa çalışır.

 

LƏMAN
Versus.Az

Xəbər lenti

InvestAZ

Ən çox oxunan xəbərlər

Qənirə Paşayeva Turan Qurultayında Qarabağla bağlı çağırış edib

Macarıstanda Azərbaycan sərgisi açılıb

Turan Qurultayının bağlanışında Türk dünyasına Qarabağ çağırışı

Millət vəkili İraq, Krım, Tatarıstan və Noqay türklərinin təmsilçiləri ilə görüşüb

Buğacın Azərbaycan bölgələrindən biri ilə qardaşlaması təklifi

Türkmənistan, Qırğızıstan və Rusiyada yaşayan türk xalqlarının təmsilçiləri ilə görüş

Şöbə müdiri olmaq istəyənlərin nəzərinə

Millət vəkili Macarıstanda Qarabağdan danışıb

"Bu xəbər hamımızı üzdü"

Nazirlikdən XƏBƏRDARLIQ

İxtisas seçimi bu gün başa çatır

Bu il 700 bal toplayan abituriyentlər rekord sayda olub

Dövlət Əməyin Mühafizəsi Fondu yaradılacaq

İlk dərs bu mövzulara həsr olunacaq

Siçanlar üzərində aparılan təcrübə göstərib ki...