"Yeni rəhbərliyin yeganə yolu özündən əvvəlkilərin səhvlərini təkrarlamamaqdır"

13:31 08-06-2018 | icon 141 | Siyasət
"Yeni rəhbərliyin yeganə yolu özündən əvvəlkilərin səhvlərini təkrarlamamaqdır"

"Prezident İlham Əliyevin müqəddəs Ramazan ayı münasibətilə təşkil olunmuş iftar mərasimində çıxışı zamanı Ermənistan-Azərbaycan Dağlıq Qarabağ münaqişəsi ilə bağlı söylədiyi fikirlər yeni baş nazir Nikol Paşinyanın rəhbərliyi altında yeni formalaşan hökumət üçün xüsusi bir siqnal anlamındadır".

 

Versus.Az Trend-ə istinadən xəbər verir ki, bunu Milli Məclisin deputatı Zahid Oruc deyib. Onun sözlərinə görə, Prezident İlham Əliyev haqlı olaraq bəyan edir ki, Sarkisyanın ünvanına meydanlarda səsləndirilən ittihamlar, xalqın dilə gətirdiyi etirazın səbəbləri Azərbaycan dövlətinin on illərlə dedikləri idi:

 

“Ona görə də Prezidentin çıxışından doğan məntiq ondan ibarətdir ki, işğalçı ölkə demokratik ola bilməz. Paşinyan ölkə daxilində hər gün xalqa hesabat verən lider obrazını yaradıb, ancaq Şuşaya gələndə səhra komandiri rolunda çıxış edəcəksə, o, sarkisyanlaşacaq. Ədalətli məhkəmədən danışan adam Şahbaz və Dilqəmi azad edərək regional nüfuzunu gücləndirərdi, hamı deyərdi ki, bu ölkə real sülhə hazırdır. Lakin bu baş vermir. Biz Ermənistanın yeni hökumətinin Qarabağ məsələsində əvvəlkilərdən fərqli davranışlarını və addımlarını gözləyirik".

 

Deputat bildirib ki, həqiqətən Ermənistan müstəqil dövlətə çevrilmək, regionda normal birgəyaşayışı tanımaq istəyirsə, işğal siyasətinin dayandırılmasında gerçək addımlar atmalıdır:

 

"Daxildə nə qədər ədalət görüntüsü yaradırsa yaratsın, Ermənistanda yeni hakimiyyətin bölgədəki izolyasiyadan çıxmaq üçün yeganə yolu özündən əvvəlkilərin səhvlərini təkrarlamamaq, münaqişənin tezliklə həll olunması üçün ciddi işlər görmək və real danışıqlar prosesinə start verməkdir. Bunu etmədən dəmir yollarını, kommunikasiyaları, ticarəti hərəkətə gətirmək mümkün deyil”.

Xəbər lenti

InvestAZ

Ən çox oxunan xəbərlər

Qənirə Paşayeva Turan Qurultayında Qarabağla bağlı çağırış edib

Macarıstanda Azərbaycan sərgisi açılıb

Turan Qurultayının bağlanışında Türk dünyasına Qarabağ çağırışı

Millət vəkili İraq, Krım, Tatarıstan və Noqay türklərinin təmsilçiləri ilə görüşüb

Buğacın Azərbaycan bölgələrindən biri ilə qardaşlaması təklifi

Türkmənistan, Qırğızıstan və Rusiyada yaşayan türk xalqlarının təmsilçiləri ilə görüş

Şöbə müdiri olmaq istəyənlərin nəzərinə

Millət vəkili Macarıstanda Qarabağdan danışıb

"Bu xəbər hamımızı üzdü"

Nazirlikdən XƏBƏRDARLIQ

İxtisas seçimi bu gün başa çatır

Bu il 700 bal toplayan abituriyentlər rekord sayda olub

Dövlət Əməyin Mühafizəsi Fondu yaradılacaq

İlk dərs bu mövzulara həsr olunacaq

Siçanlar üzərində aparılan təcrübə göstərib ki...