"Əməkdaşlığımızın genişləndirilməsi üçün imkanlar mövcuddur"

10:36 04-07-2018 | icon 138 | İqtisadiyyat
"Əməkdaşlığımızın genişləndirilməsi üçün imkanlar mövcuddur"

Azərbaycan və Monteneqro müxtəlif sahələrdə əməkdaşlığın genişləndirilməsi üçün böyük potensiala malikdirlər.

 

Versus.az xəbər verir ki, bu barədə Trend-ə müsahibəsində Monteneqronun iqtisadiyyat naziri xanım Draqitsa Sekuliç deyib:

 

"Monteneqro və Azərbaycan arasında turizm sahəsində əməkdaşlıq "Azmont Investments"in "Portonovi" layihəsinə böyük investisiyaları sayəsində məlum faktdır. Turizm və energetikadan əlavə şübhəsiz ki, digər sahələrdədə - ticarət, mədənçıxarma sənayesi, nəqliyyat, kənd təsərrüfatı, elm və təhsil və telekommunikasiya - əməkdaşlığın genişləndirilməsi üçün imkanlar mövcuddur".

 

Nazir hesab edir ki, İqtisadi Əməkdaşlıq haqqında sazişin və İnvestisiyaların Qarşılıqlı Təşviqi və Qorunması haqqında sazişin reallaşdırılması vasitəsilə Azərbaycan və Monteneqro arasında iqtisadi əməkdaşlıq daha da genişləndirilə bilər:

 

"Azərbaycan və Monteneqro nümayəndələri arasında mütəmadi keçirilən görüşlərin yekunları üzrə razılaşdırılıb ki, hər iki ölkə investisiya imkanlarını təşviq edəcək və müvafiq müəssisələr arasında mütəmadi əlaqələr vasitəsilə biznes mühitini inkişaf etdirəcək".

 

Nazir qeyd edib ki, Azərbaycandan Monteneqroya investisiyaların həcminin böyük olmasına baxmayaraq iki ölkə arasında əmtəə dövriyyəsi yüksək səviyyədə deyil:

 

"Buna, şübhəsiz, iki ölkənin coğrafi yerləşməsi təsir edir və bunu infrastrukturun yaxşılaşdırılması vasitəsilə aradan qaldırmaq olar. Bununla bağlı qarşılıqlı maraq doğuran layihələrin işlənməsi üçün imkanlar var. Bununla paralel olaraq biz hər iki ölkənin şirkətləri arasında daha sıx əlaqələrin qurulması üzərində birgə işləməliyik".

Xəbər lenti

InvestAZ

Ən çox oxunan xəbərlər

Bayrağımızın erməni bayrağı altında asıldığını görən idmançımız baxın nə etdi - VİDEO

Sərdar Cəlaloğlu “müxalifətdə mənəm" deyənlərə MEYDAN OXUDU - MÜSAHİBƏ

Əlilliyi olan qadınlara texniki dəstək verildi

Qüdrət Həsənquliyevdən növbəti ŞOK SÖZLƏR:

Ərdoğan ermənilər haqqında QƏRAR VERDİ: “deportasiya...

Partiya sədrindən maraqlı təklif

"Şəhidlərimiz qaboyla deyil, Quranla yad edilməlidir"

“Öz biznesinin sahibi ol” – TƏQDİM EDƏCƏK

Ermənilər Xocavənddə əsirləri girov apararkən - VİDEO

Türkmən millət vəkili ilk dəfə İraq Kürd Muxtariyyəti parlamentinin sədr müavini oldu

Ana dilim - ƏZƏMƏTİN QƏLƏBƏSİ

“Ondan Qarabağ mitinqlərindən hansısa dərs götürəcəyini gözləməyə dəyməz”

İçimizdə kök atmış Təpkisizlik...

“Millətimizin sabahı, gələcəyi üçün çalışırıq” - MÜSAHİBƏ

Metrodan istifadə edənlər, xəbər var