Azərbaycan YUNESKO-nun Ümumdünya İrs Komitəsinin sessiyasına ev sahibliyi edəcək

14:07 04-07-2018 | icon 96 | Mədəniyyət
Azərbaycan YUNESKO-nun Ümumdünya İrs Komitəsinin sessiyasına ev sahibliyi edəcək

2019-cu ildə Azərbaycan UNESCO-nun Ümumdünya İrs Komitəsinin 43-cü sessiyasına ev sahibliyi edəcək.

 

Versus.Az xəbər verir ki, bu barədə Azərbaycan Xarici İşlər və Mədəniyyət nazirliklərinin birgə məlumatında deyilir.

 

Hazırda Bəhreyn Krallığının Manama şəhərində UNESCO-nun Ümumdünya İrs Komitəsinin 42-ci sessiyası keçirilir. İclasda Azərbaycan Respublikasının mədəniyyət naziri Əbülfəs Qarayevin rəhbərliyi altında Xarici İşlər və Mədəniyyət nazirliklərinin əməkdaşlarından ibarət nümayəndə heyəti iştirak edir.

İclas çərçivəsində UNESCO-nun Ümumdünya mədəni və təbii irsin qorunması haqqında Konvensiyasına aid məsələlər müzakirə olunub, eyni zamanda müxtəlif ölkələrin maddi irs nümunələri Ümumdünya İrs Siyahısına daxil edilib.

 

İclasda növbəti il üçün Komitənin sədri və 43-cü sessiyaya ev sahibliyi edəcək ölkə ilə bağlı müzakirələr aparılıb.

Yekun qərara əsasən mədəniyyət naziri Əbülfəs Qarayev Komitəyə sədr seçilib. Beləliklə, 2019-cu ildə UNESCO-nun Ümumdünya İrs Komitəsinin 43-cü sessiyasına Azərbaycan ev sahibliyi edəcək. Tədbirdə dünyanın 180-dən çox ölkəsindən 2 minədək nümayəndənin iştirakı gözlənilir.

Ümumdünya İrs Komitəsinin sessiyası dünya mədəni irsinə töhfə verən ən nüfuzlu tədbirlərdən biridir. Ümumdünya İrs Komitəsi dünya xalqlarının kimliyini və tarixi yaddaşını ifadə edən maddi və təbii irs nümunələrinə, ən dəyərli abidələrə dair qərarlar qəbul edir. Bu tədbirə ev sahibliyi etmək və eyni zamanda Komitəyə sədrlik etməklə Azərbaycan dünya xalqlarının mədəniyyət tarixində öz müsbət izini qoyacaq.

 

Ölkəmiz üçün mühüm əhəmiyyət kəsb edən belə bir qərarın qəbul olunması Prezident İlham Əliyevin rəhbərliyi altında aparılan uğurlu xarici siyasət, Birinci vitse-prezident, UNESCO-nun xoşməramlı səfiri Mehriban Əliyevanın dəstəyi və qayğısı, Xarici İşlər və Mədəniyyət nazirliklərinin birgə fəaliyyəti nəticəsində ölkəmizin UNESCO ilə tərəfdaşlıq münasibətlərinin yüksək səviyyədə inkişaf etdiyini göstərir.

Xəbər lenti

InvestAZ

Ən çox oxunan xəbərlər

İqbal Ağazadə ilə SİYASİ NƏRD oyunu - LAYİHƏ

Millət vəkili parlamentdə vacib təkliflərlə çıxış edib

“Dövlət simvolları haqqında yaxşı danışsan da düzgün anlamayan tapılacaq”

"Autizmli uşaqlara sahib çıxaq"

AXC-nin və Türk Qafqaz İslam Ordusunun Azərbaycana yardıma gəlməsinin 100-cü ildönümündə - KONFRANS

“Parlamentə hakimiyyət daxilindən yeni simalar gələcək” - MÜSAHİBƏ

“Qurbanxana” replikasında duyulan Qarabağnamə Pənah Hüseynin təqdimatında - LAYİHƏ

Partiya sədrləri dövlət bayrağı günü ərəfəsində görüşdülər

“Toxunulmaz idisə niyə musiqisi, mətni üç dəfə dəyişilib?” - MÜSAHİBƏ

Qənirə Paşayeva və Arzu Bağırova mükafata layiq görülüblər

“Növbədənkənar Parlament seçkiləri qaçılmazdır”

"Siyasilər keçmişlə bağlı ittihamlardan çəkinməlidirlər"

Oqtay Eldəgəzin xanımı ALDP sədri ilə görüşüb

Fironcasına Allahlaşan məmur ordusu...

"Parlament seçkilərinin növbədənkənar keçirilməsinə əsas yoxdur"