"Bu, əsl erməni həyasızlığı idi"

15:27 13-07-2018 | icon 116 | Geopolitika
"Bu, əsl erməni həyasızlığı idi"

"Ermənistanın populist baş naziri Nikol Paşinyanın NATO-nun Əfqanıstanla bağlı keçirilən xüsusi panelindəki çıxışını böyük təəssüf hissilə izlədim və bir daha əmin oldum ki, erməni hər yerdə ermənidir və hətta ən demokratik erməni də səmimi ola bilmir, erməni millətinə xas olan ənənəvi hiyləgərlik azarından qurtula bilmir".

 

Versus.Az xəbər verir ki, bunu Demokratik Azərbaycan Dünyası Partiyasının (DADP) sədri Əlisahib Hüseynov açıqlamasında bildirib:


"Bildiyiniz kimi, bu günlərdə Brüsseldə NATO-ya üzv və tərəfdaş ölkələrin dövlət və hökumət başçılarının Zirvə toplantısı keçirildi və həmin toplantı çərçivəsində NATO-nun Əfqanıstanda həyata keçirdiyi əməliyyata töhfə verən tərəfdaş ölkələrin dövlət və hökümət başçılarının və potensial əməliyyat tərəfdaşlarının iştirakı ilə Qətiyyətli Dəstək missiyası üzrə müzakirələr aparıldı. Zirvə toplantısında NATO-ya üzv dövlətlərin dövlət və hökumət başçıları səviyyəsində yekun bəyanat qəbul edildi. Həmin bəyanatda üzv dövlətlər növbəti dəfə Azərbaycanın ərazi bütövlüyü və suverenliyinə dəstəklərini ifadə etdilər və Dağlıq Qarabağ münaqişəsinin də məhz ərazi bütövlüyü prinsipi əsasında həll edilməli olduğunu bildirdilər. Avropa İttifaqı ilə Azərbaycan arasında paraflanmış Tərəfdaşlıq Prioritetləri sənədində də həmçinin, Azərbaycanın ərazi bütövlüyü, suverenliyi və sərhədlərinin toxunulmazlığına dəstək və hörmət ifadə olundu".

 

Partiya sədrinin fikrincə, bu, Ermənistan tərəfini əsla qane etmir. Çünki Ermənistanın istər əvvəlki nasist-işğalçı liderləri, istərsə də hazırki psevdo-demokrat baş nazir N.Paşinyan ciddi-cəhdlə çalışıblar ki, beynəlxalq təşkilatlar Dağlıq Qarabağ münaqişəsinin həlli məsələsinə dövlətlərin ərazi bütövlüyü və suverenliyi prinsipi əsasında yox, məhz xalqların öz müqəddəratını təyinetmə prinsipi nöqteyi-nəzərindən yanaşsınlar:

 

"Çünki belədə Dağlıq Qarabağın separatçı erməniləri kart-blanş əldə etmiş olur və öz separatçılıqlarına haqq qazandırmaq imkanı əldə edirlər. Lakin göründüyü kimi, NATO zirvəsinə toplaşan liderlər Paşinyanın bu arzusunu gözündə qoydular. Hərçənd ki, Paşinyan vəziyyətin daha da qızışdırılması məqsədi daşıyan ritorikası ilə NATO liderlərini maksimal dərəcədə Azərbaycana qarşı kökləməyə çalışdı. O, ənənəvi erməni bicliyindən istifadə edərək NATO sammiti çərçivəsində Əfqanıstanla bağlı məsələlərə həsr edilmiş xüsusi görüşdə Ermənistanın Dağlıq Qarabağ münaqişəsinin sülh yoluyla həllinə sadiq olduğunu vurğuladı, eyni zamanda da Azərbaycanı cəbhədə və Ermənistanla sərhəddə təxribatlar törətməkdə suçladı. Bu, əsl erməni həyasızlığı idi və Nikol Paşinyan heç bir vicdan əzabı hiss etmədən, utanıb-qızarmadan bu həyasızlığı NATO kürsüsündən nümayiş etdirdi. Ancaq NATO liderləri isə Ermənistan baş nazirinin demokratiyadan danışmaqla özünün dövlət çevrilişi yolu ilə hakimiyyətə gəlişini legitimləşdirmək cəhdlərinə və Azərbaycana qarşı qızışdırıcılıq ritorikasına məhəl qoymadılar. Necə deyərlər, sonda erməni həyasızlığı yox, qlobal siyasi müdriklik qalib gəldi".

 

LƏMAN
Versus.Az

Xəbər lenti

InvestAZ

Ən çox oxunan xəbərlər

“İsgəndər Həmidov onları oğlunun toyuna çağırmır...”

Məhluqə Rəhimova yenidən ƏQC-nin sədri seçildi

“Bu “zirvə” real olmayan bir zarafat kimidir”

“Müxalifətin zirvə görüşü zəruridir”

Ümummilli lider Xanqaraqoyunlu məktəbində də anılıb

Bağışlanmaz səhvlərə imza atanlar

“Bu partiyalar arasında bir-birini qəbul etməyən siyasətçilər çoxdur”

Sayğacın pulu ödənilib, amma sayğacdan xəbər yoxdur - VİDEO

Qənirə Paşayeva "Nuri Dağtekin Özel Ödülü" ilə ödülləndi

Laçınlı döyüşçülər Heydər Əliyevin məzarını ziyarət ediblər

"Sağlığımdan dolayı dualarınız üçün minnətdaram"

“Gürcüstan Azərbaycan cəmiyyətində də canlanma yarada biləcək”

“Axı, Mirşahinin özü də 20 yaşında bir adam deyil”

İki restoran bağlandı

Ermənistan rəhbərliyini işğal olunmuş rayonları qaytarmağa çağırdılar