Millət vəkili Azərbaycan və Türkiyə aydınlarına çağırış səsləndirib

15:43 15-09-2018 | icon 128 | Cəmiyyət
Millət vəkili Azərbaycan və Türkiyə aydınlarına çağırış səsləndirib

Millət vəkili Qənirə Paşayeva Azərbaycan Aydınlar Ocağının Türkiyə Anadolu Aydınlar Ocağı ilə birgə Gəncliyə Yardım Fondunda təşkil etdiyi "Qafqaz İslam Ordusu tərəfindən Bakının erməni bolşevik işğalından azad edilməsinin 100 illik yubileyi"nə həsr olunmuş elmi praktiki konfransda çıxışında Azərbaycan Xalq Cümhuriyyətini quran dədələrimizin, şəhidlərimizin, Ənvər Paşa, Nuru Paşa başda olmaqla Türk Qafqaz İslam Ordusunun bütün qəhrəmanlarının qarşısında baş əyərək, onları hər zaman sevgi, qayğı və rəhmətlə andığımızı və anacağımızı söyləyərək sözlərimə başlamaq istəyirəm deyib.

 

Versus.Az-ın məlumatına görə, 1918-ci ildə Azərbaycan Xalq Cümhuriyyətinin ən ağır dönəmindən,erməni-bolşevik dəstələrinin Azərbaycanda törətdiyi qırğınlardan, Qafqaz İslam Ordusunun xalqımızı bu çətin vəziyyətdən xilas etməsindən, Azərbaycana qardaş köməyinə gələn Qafqaz İslam Ordusunun böyük fədakarlığından danışan millət vəkili Q.Paşayeva onlar Türk dünyasının bugünki və gələcək nəsilləri üçün ən gözəl örnəklərdəndirlər deyib.

 

Millət vəkili, Beynəlxalq Avrasiya Araşdırmalar İnstitutunun sədri Qənirə Paşayeva bildirib ki, Nuru Paşa haqqında müstəqil Azərbaycanın vətəndaşı olaraq bizlərin danışması, yazması ona olan vəfa borcudur. Zamanında Azərbaycanı qurtarmağı qardaşlıq borcu bilən qəhrəman paşaya mənəvi borcumuzu vermək həm də bir vicdan borcudur. Eyni zamanda 1915-ci ildə Çanaqqala döyüşündə iştirak edən Azərbaycan Türklərinə.

 

Millət vəkili Q.Paşayeva dövlət başçısı İlham Əliyev və qardaş Türkiyəninin prezidenti Rəcəb Tayyib Ərdoğanın rəhbərliyi ilə bu gün bir azdan Bakıda keçiriləcək möhtəşəm paraddan da danışıb və bu tədbirlə Bakıdan dostlara da düşmənlərə də çox önəmli məsajlar veriləcək  deyib. Azərbaycanın bayramı bütün Türk dünyasının bayramı olmalıdır, sevincimiz də kədərimiz də ortaq olmalıdır deyən millət vəkili Q.Paşayeva Türk dünyası gəncliyini ortaq tariximizi dərindən öyrənməyə və təbliğ etməyə də çağırıb.

 

Tədbir çərçivəsində millət vəkili Q.Paşayevaya Türkiyənin Qazilər və Şəhid ailələri cəmiyyətləri, hərbçiləri və bir sıra qeyri-hökumət təşkilatları tərəfindən bu gün - 15 sentyabrla bağlı milli anlam daşıyan materiallar və hədiyyələr təqdim ediblər.

 

Millət vəkili Qənirə Paşayeva Bakı Slavyan Universitetində "Bilik günü" ilə bağlı keçirilən tədbirdə də iştirak edib və çıxışında müəllim və tələbələri "Bilik günü" münasibətilə, eyni zamanda hər kəsi 15 sentyabr - Bakının qurtuluşu günü münasibətilə təbrik edib, çağırışlar səsləndirib.

Xəbər lenti

InvestAZ

Ən çox oxunan xəbərlər

Olimpiya çempionumuzun Xətai rayon icra başçısından kiçik istəyi

Prezidentimizdən xahiş edirəm - ÜRƏYİM PARTLAYIR

Jurnalistlərimiz Dağlıq Qarabağa niyə GETMƏLİDİR?

Avropaya inteqrasiya müxalifəti bir araya gətirdi.

Tarix DAĞLIQ QARABAĞda qalanan alovdan danışacaq

"Beynəlxalq terrorizmlə mübarizə” mövzusunda keçirilən konfransda

AXH parçalanıb - bu da belə getdi...

Uşaqları internetdən uzaq tutmayaq

Ermənistanın Qarabağ iştahı artır

İncitdiyiniz insanların sayı-hesabı yoxdur

"Filə səs vermək istəyirdim, amma çiçəyə səs vermişəm"

Əli Kərimli-İlqar Məmmədov müqayisəsinə cavab

"Avropa İttifaqı Ancelina Coliyə İrandan daha çox pul ayırır"” 

İsveçdən Azərbaycana güzgü tutan yazıçı: Kimi aldadırıq ki?

“Ceyhun Bayramovun nazir vəzifəsində qalması Azərbaycan təhsilini daha da məhv edəcək” - ÖZƏL