Pambığımız da rəngli olacaq

09:27 25-10-2018 | icon 35 | Gündəm
Pambığımız da rəngli olacaq

Azərbaycanda təcrübə üçün əkilən rəngli pambıqların sortları artırıla bilər.

 

Versus.Az Trend-ə istinadən xəbər verir ki, bu barədə Kənd Təsərrüfatı Nazirliyinin Toxum Nəzarəti Dövlət Xidmətinin rəhbəri İmran Cümşüdov deyib.

 

Xidmət rəhbəri bildirib ki, təcrübə üçün Azərbaycanda hələlik iki növ rəngli pambıqlar yetişdirilib:

 

"Bu pambıqlar qonur və açıq qonur rəngdədir. Bu pambığın toxumu Çindən gətirilib. Həmin toxumları hər ölkədə yetişdirmək olmur. Amma Azərbaycanın iqlimi həmin pambıqların yetişdirilməsinə imkan verir. Bu sortlar Çindən bir şirkət tərəfindən alınaraq təqdim olunub. Bu pambıqlar rəngli və orqanik pambıqlardır. Çinli mütəxəssislərin dediyinə görə, hər bir ölkədə bu sortlardan normal məhsul götürmək mümkün deyil. Həmin mütəxəssislər Azərbaycanda müşahidə aparandan sonra burada həmin pambıqdan məhsuldarlıq almağı mümkün hesab ediblər. Çünki Azərbaycandakı torpaq münbitliyi bu sortlardan məhsuldarlıq əldə etməyə imkan verir. Bu məqsədlə də biz bu sortların toxumundan təxminən 1 kiloqramdan az götürdük. Həmin toxumları Tərtər bölgə Təcrübə Təsərrüfatında Regional Aqrar Elm İnformasiya Mərkəzinin əkin sahəsində əkdik. Artıq çox yaxşı nəticələr əldə olunur. Hazırda pambıq yetişmə mərhələsindədir, becərmə işləri yüksək səviyyədə aparıldı. Yığım ərəfəsində pambığın məhsuldarlığı və keyfiyyəti barədə geniş informasiya verəcəyik".

 

İ.Cümşüdov bildirib ki, orqanik pambığın yetişdirilməsində məqsəd azyaşlılar üçün pambıqdan hazırlanan paltarların kimyəvi boyanmasının qarşısını almaq, uşaqlara təbii rəngli pambıqlardan paltarlar hazırlamaqdır:

 

"Bu sortların Çində yetişdirilməsinin də əsas məqsədi budur. Biz də həmin pambıqları bu məqsədlə yetişdirmək istəyirik".

 

Xidmət rəisi bildirib ki, gələcəkdə Azərbaycanda bu pambıqların digər rənglərinin də yetişdirilməsi nəzərdə tutulur:

 

"Hələlik bizdə qonur və açıq qonur rəngli pambıqlar təcrübə üçün yetişdirilir. Amma bu pambığın qırmızı, yaşıl, açıq çəhrayı və göy rəngli sortları da var. Əgər bu sort məhsuldarlığı yüksək versə, gələcəkdə həmin rənglərdən olan pambıq sortları da Azərbaycanda yetişdirilə bilər. Əgər məhsuldarlıq yaxşı olsa, biz bu sortları dövlət qeydiyyatına alacağıq və fermerlərimiz bu toxumlardan tam istifadə edə biləcəklər. Hələlik az miqdarda əkmişik. Əldə edilən toxumdan gələcəkdə geniş sahələrdə əkiləcək. Növbəti ildə də biz həmin pambıqdan davamlı əkəcəyik. Hələlik Tərtər rayonunda əkilib, ola bilsin ki, gələcəkdə digər rayonlarda da həmin pambıq sortları sınaqdan keçirilsin. Bu pambıq sortlarının məhsuldarlığı bizim yerli pambıqdan geri qalmır. İlkin qiymətləndirmə bunu deməyə əsas verir. Bu sort pambıqların zərifliyi, keyfiyyəti yerli pambıqlardan üstündür".

 

İ. Cümşüdov bildirib ki, rəngli pambıq sortu ölkədə 3 il sınaqdan keçiriləndən sonra kütləvi əkininə başlanması məsələsi müzakirə oluna bilər.

Xəbər lenti

InvestAZ

Ən çox oxunan xəbərlər

İqbal Ağazadə ilə SİYASİ NƏRD oyunu - LAYİHƏ

Görmə imkanları məhdud gənclərin "Könül dünyası" gecəsində

Millət vəkili büdcə müzakirələri zamanı seçicilərin bir sıra problemlərini qaldırıb

AXC-nin və Türk Qafqaz İslam Ordusunun Azərbaycana yardıma gəlməsinin 100-cü ildönümündə - KONFRANS

Millət vəkili İstanbulda "Ailə, dövlət və toplum"dan danışıb

“Gərək Nəsir bəy bu məsələdə məndən inciməsin”

“Mənə “müxalifət” deyilməsini qəbul eləmirəm” - MÜSAHİBƏ

"Sizin uğurunuza bütün cəmiyyətimiz sevinir"

Şimali Kipr Türk Cümhuriyyətinin 35-ci ildönümü Bakıda qeyd olundu

Partiya lideri xalqı təbrik edib

Bütün növ pensiyalar artırılacaq

“Açıq qapı günü” və andiçmə mərasimi keçirilib

Araşdırmaçı-yazar Sara Pourun iştirakı ilə "Uğurun açarı - Özgüvən"

Azərbaycanın üçrəngli bayrağı özündən əvvəlki bayraqların varisidir

Sabah axşamdan hava dəyişəcək