Bəstəkarın 100 illiyinə həsr edilən qala konserti

10:57 08-11-2018 | icon 123 | Mədəniyyət
Bəstəkarın 100 illiyinə həsr edilən qala konserti

 

Heydər Əliyev Sarayında görkəmli bəstəkar, Xalq artisti, Dövlət mükafatı laureatı Tofiq Quliyevin anadan olmasının 100 illiyinə həsr edilən birinci “Estrada mahnısı” müsabiqəsinin qaliblərinin qala konserti keçirilib.

 

Versus.Az xəbər verir ki, görkəmli bəstəkarın doğum günündə - noyabrın 7-də reallaşan konsertdə əvvəlcə Tofiq Quliyev haqqında videoçarx nümayiş edilib.

 

Musiqili gecədə bəstəkarın dillər əzbəri olan “Sevgi valsı”, “Azərbaycan”, “Qalx ayağa, Vətənim”, “Nazlı”, “Sözlər yanar”, “Bakı - qədim şəhərim”, “Çırpınırdın, Qara dəniz”, “Sarı gül”, “Sevgi nəğməsi”, “Şənlik nəğməsi” və digər mahnılar səsləndirilib.

Gənc və tanınmış ifaçıların səsləndirdiyi mahnılar tamaşaçıların zövqünü oxşayıb.

 

Xatırladaq ki, ötən il dekabrın 8-də elan edilmiş “Estrada mahnısı” müsabiqəsi Azərbaycan Bəstəkarlar İttifaqının təşəbbüsü və təşkilatçılığı, Mədəniyyət Nazirliyi və “Mədəniyyət” kanalının dəstəyi ilə keçirilib. Müsabiqənin məqsədi unudulmaz bəstəkar Tofiq Quliyevin yüksək peşəkarlıqla yaratdığı musiqi incilərini örnək götürərək estrada janrında melodik zənginliyi, musiqi və mətn vəhdəti, forma mükəmməlliyi, mövzu seçimi, mənəvi-estetik səviyyəsi ilə ədəbi-bədii meyarlara cavab verən yeni mahnıları aşkar etmək olub.

 

Müsabiqəyə ümumilikdə 57 peşəkar və həvəskar bəstəkar tərəfindən 87 mahnı təqdim edilib. Əsərlər Xalq artistləri Firəngiz Əlizadə, Rauf Babayev, Əməkdar artistlər Gövhər Həsənzadə və Vüqar Camalzadədən ibarət münsiflər heyəti tərəfindən qiymətləndirilib.

 

Müsabiqədə I, II və III yerlərə müvafiq olaraq Rəna Qədimova, Əməkdar incəsənət xadimi Sərdar Fərəcov və İlahə İsrafilova layiq görülüb. Bəstəkarlar İttifaqının üzvləri Zabitə Məmmədovaya, Yalçın Məlikova və Azərbaycan Dövlət Mədəniyyət və İncəsənət Universitetinin II kurs tələbəsi Lalə Əhmədovaya isə həvəsləndirici mükafatlar təqdim edilib.

Xəbər lenti

InvestAZ

Ən çox oxunan xəbərlər

Olimpiya çempionumuzun Xətai rayon icra başçısından kiçik istəyi

Prezidentimizdən xahiş edirəm - ÜRƏYİM PARTLAYIR

Jurnalistlərimiz Dağlıq Qarabağa niyə GETMƏLİDİR?

Avropaya inteqrasiya müxalifəti bir araya gətirdi.

Tarix DAĞLIQ QARABAĞda qalanan alovdan danışacaq

"Beynəlxalq terrorizmlə mübarizə” mövzusunda keçirilən konfransda

Ermənistanın Qarabağ iştahı artır

AXH parçalanıb - bu da belə getdi...

Uşaqları internetdən uzaq tutmayaq

İncitdiyiniz insanların sayı-hesabı yoxdur

"Filə səs vermək istəyirdim, amma çiçəyə səs vermişəm"

Əli Kərimli-İlqar Məmmədov müqayisəsinə cavab

"Avropa İttifaqı Ancelina Coliyə İrandan daha çox pul ayırır"” 

“Əli və Nino” filmi İndoneziyanın üç şəhərində nümayiş olunacaq

Bulvara giriş bağlanır