“Bu, Avropa-Azərbaycan münasibəti üçün pis olacaq”

16:43 22-11-2018 | icon 81 | Siyasət
“Bu, Avropa-Azərbaycan münasibəti üçün pis olacaq”

 

İqbal Ağazadə: “İnandırmalıdır ki, Azərbaycan da Avropanın siyasi coğrafiyasındadır və demokratikləşmə ilə bağlı tələblər qısa zamanda yerinə yetiriləcək”

 

 

“Bu, Şərq Tərəfdaşlığı üçün pis olacaq məsələsi deyil. Bu, Avropa-Azərbaycan münasibəti üçün pis olacaq”.

 

Bunu Versus.Az-a Azərbaycan Xarici İşlər Nazirliyinin bu ilin dekabr ayında Tiflisdə təşkil olunacaq Şərq Tərəfdaşlıq Vətəndaş Cəmiyyəti Forumunun onuncu illik iclasına rəsmi Bakının dəvət olunmaması ilə bağlı şərhində Ümid Partiyasının sədri İqbal Ağazadə deyib.

 

Partiya sədri bildirib ki, Azərbaycan uzun müddətdir Avropa Birliyi ilə böyük saziş çərçivəsində danışıqlar aparır, ikitərəfli qaydada müqavilələrin bağlanması məsələsi var idi ki, ötən il bir neçə dəfə təxirə salınıb:

 

“Təbii ki, bu, Avropa Birliyini qane eləmir. O cümlədən, Norveçin son günlərdə Azərbaycanda öz səfirliyini bağlayıb Tiflisə köçürməsi və açıq tekstlə deməsi ki, - “demokratik fəaliyyət göstərməsi üçün Tiflisdəki demokratik şərait daha məqbuldur” - hər halda Azərbaycan bu istiqamətdə ciddi düşünməlidir. Gürcüstanda və Ermənistanda Qərb arzusu daha çoxdur.

Ermənistan və Gürcüstandan ABŞ səviyyəsində Dağlıq Qarabağa nümayəndə heyəti gəlir, o cümlədən Dağlıq Qarabağ separatçı rejiminin nümayəndələri Dağlıq Qarabağ və başqa ölkələrə dəvətlər alırlar. Bütün bunlar onu göstərir ki, Azərbaycan diplomatik səviyyədə çox böyük uğursuzluqlar burulğanındadır. Bu zolağı qısa zamanda tərk etməsə, Azərbaycan üşün, həm də Azərbaycan-Ermənistan münaqişəsinin həlli üçün hüquqi tələblərimizin yerinə yetirilməsi istiqamətində böyük problemlərlə üzləşəcəyik. Azərbaycan böyük bir demokratik açılıma getməlidir. Avropanın içində tərəfdaş seçməlidir, Avropa Birliyi, Avropa Şurası ilə hərtərəfli danışıqlara getməlidir. Lazım olarsa ora müxalifət nümayənələrini də cəlb etməlidir. Bir etimad qrupu yaradılmalı və bu qrup da Avropa Şurası, Avropa Birliyini inandırmalıdır ki, Azərbaycan da Avropanın siyasi coğrafiyasındadır və demokratikləşmə ilə bağlı tələblər ən qısa zamanda yerinə yetiriləcək. Belə olmayacağı təqdirdə Azərbaycanın vəziyyəti çox pis olacaq”.

 

İqbal Ağazadə rəsmi Bakının “Şərq Tərəfdaşlıq Vətəndaş Cəmiyyəti Forumuna Azərbaycan rəsmi nümayəndələrinin dəvət olunmaması Şərq Tərəfdaşlığı üçün müsbət hal olmayacaq” bəyanatını da birmənalı qarşılamayıb. Bildirib ki, bu, Şərq Tərəfdaşlığı üçün pis olacaq məsələsi deyil. Bu, Avropa-Azərbaycan münasibəti üçün pis olacaq:

 

“Azərbaycanın insan haqları, iqtisadi azadlıqlar, korrupsiya, rüşvətxorluq, mətbuat azadlığı və sair indekslərdə vəziyyətin olduqca çirkinləşməsi və yerə düşməsi faktları ortaya çıxacaq. Ona görə də Azərbaycan bu barədə ciddi düşünməlidir. Burada hirs, hikkə ilə yanaşmalar, öz şəxsi mənafelərini hakimiyyət və dövlət maraqlarından üstün tutmaq kimi hallar olmamalıdır”.

 

A.Zeynallı
Versus.Az

Xəbər lenti

InvestAZ

Ən çox oxunan xəbərlər

Bayrağımızın erməni bayrağı altında asıldığını görən idmançımız baxın nə etdi - VİDEO

Sərdar Cəlaloğlu “müxalifətdə mənəm" deyənlərə MEYDAN OXUDU - MÜSAHİBƏ

Qüdrət Həsənquliyevdən növbəti ŞOK SÖZLƏR:

Əlilliyi olan qadınlara texniki dəstək verildi

Ərdoğan ermənilər haqqında QƏRAR VERDİ: “deportasiya...

Partiya sədrindən maraqlı təklif

"Şəhidlərimiz qaboyla deyil, Quranla yad edilməlidir"

“Öz biznesinin sahibi ol” – TƏQDİM EDƏCƏK

Türkmən millət vəkili ilk dəfə İraq Kürd Muxtariyyəti parlamentinin sədr müavini oldu

Ermənilər Xocavənddə əsirləri girov apararkən - VİDEO

Ana dilim - ƏZƏMƏTİN QƏLƏBƏSİ

İçimizdə kök atmış Təpkisizlik...

“Ondan Qarabağ mitinqlərindən hansısa dərs götürəcəyini gözləməyə dəyməz”

“Millətimizin sabahı, gələcəyi üçün çalışırıq” - MÜSAHİBƏ

Xocalı Soyqrımının 27-ci ildönümü anılıb