“ABŞ-la münasibətlər Saakaşvili dövründəki kimi yaxın olmayacaq”

22:02 29-11-2018 | icon 265 | Geopolitika
“ABŞ-la münasibətlər Saakaşvili dövründəki kimi yaxın olmayacaq”

 

Nəzakət Məmmədova: “Bu, Gürcüstan tarixində əhalinin birbaşa səs verib seçdiyi sonuncu prezident seçkiləri idi”

 

 

“Gürcüstandakı budəfəki prezident seçkiləri bəzi ilklərlə və sonlarla yadda qaldı. İlk olaraq ölkəyə qadın prezident rəhbərlik edəcək. Son isə odur ki, bu, Gürcüstan tarixində əhalinin birbaşa səs verib seçdiyi sonuncu prezident seçkiləri idi”.

 

Bu barədə Versus.Az-a Gürcüstandakı seçkiləri təhlil edən politoloq Nəzakət Məmmədova bildirib.

 

Politoloq bildirib ki, seçkilər barədə beynəlxalq müşahidəçilərin rəyi açıqlanmasa da, müxalifət və bəzi yerli müstəqil QHT-lər çoxlu sayda qanun pozuntularının olduğunu deyirlər. Seçkilərin nəticəsi isə onu göstərdi ki, Rusiyaya bağlı olan İvanaşvili və onun partiyası Gürcüstanda öz mövqelərini qoruyub-saxladılar.

N.Məmmədova hesab edir ki, yaxın illərdə Gürcüstanın Avropaya inteqrasiyası, NATO-ya üzvlüyü ləngiyəcək və ciddi maneələrlə üzləşəcəkdir:

 

“Gürcüstandakı məğlubiyyəti obrazlı desək, ABŞ-ı Ermənistandan ikiəlli yapışmağa vadar edəcək, Ermənistandakı seçkilərdə mübarizə daha qızğın şəraitdə keçəcəkdir. Azərbaycanla Gürcüstanın birgə layihələri davam etsə də, yerli azərbaycanlı əhalinin vəziyyətində yaxşılığa doğru dəyişikliklərin olacağı inandırıcı deyil”.

 

Politoloq bildirib ki, Gürcüstanın Avropaya inteqrasiyasının qarşısının alınacağını demək olmasa da, ABŞ-la münasibətlər Saakaşvili dövründəki kimi yaxın olmayacaq. Paşinyan hakimiyyətə gələrsə, Fransadakı erməni icması Ermənistanla Gürcüstanı yaxınlaşdırmağa çalışacaqdır:

 

“Hər bir halda Vaşadzenin gəlməsi Gürcüstanın Saakaşvili dövründə başladığı demokratik yolun davamı olardı. Lakin təəssüf ki, bu, baş vermədi”.

 

LƏMAN
Versus.Az

Xəbər lenti

InvestAZ

Ən çox oxunan xəbərlər

Bayrağımızın erməni bayrağı altında asıldığını görən idmançımız baxın nə etdi - VİDEO

Sərdar Cəlaloğlu “müxalifətdə mənəm" deyənlərə MEYDAN OXUDU - MÜSAHİBƏ

Qüdrət Həsənquliyevdən növbəti ŞOK SÖZLƏR:

Əlilliyi olan qadınlara texniki dəstək verildi

Ərdoğan ermənilər haqqında QƏRAR VERDİ: “deportasiya...

Partiya sədrindən maraqlı təklif

"Şəhidlərimiz qaboyla deyil, Quranla yad edilməlidir"

“Öz biznesinin sahibi ol” – TƏQDİM EDƏCƏK

Türkmən millət vəkili ilk dəfə İraq Kürd Muxtariyyəti parlamentinin sədr müavini oldu

Ermənilər Xocavənddə əsirləri girov apararkən - VİDEO

Ana dilim - ƏZƏMƏTİN QƏLƏBƏSİ

İçimizdə kök atmış Təpkisizlik...

“Ondan Qarabağ mitinqlərindən hansısa dərs götürəcəyini gözləməyə dəyməz”

“Millətimizin sabahı, gələcəyi üçün çalışırıq” - MÜSAHİBƏ

Xocalı Soyqrımının 27-ci ildönümü anılıb