İlqar Altay: “Bu, ölkədə demokratiya və haqq-ədalətə doğru bir addım oldu”

 

15:31 22-01-2019 | icon 35 | Siyasət
İlqar Altay: “Bu, ölkədə demokratiya və haqq-ədalətə doğru bir addım oldu”
 

 

 

Hər kəs bilirdi ki, Mehman Hüseynovun azadlıq məsələsi artıq həll olunub.

 

Bunu Versus.Az-a hüquq eksperti İlqar Altay Milli Şuranın son etiraz mitinqinin Mehman Hüseynovun azadlığa buraxılmasına təsirləri barədə şərhində bildirib.

 

İ.Altay bildirib ki, müxalifətin son etiraz mitinqində Mehmanın adı simvolik önə çəkilib. Bu, həm mitinqin cəlbediciliyini qaldırmaq, həm də digər həbsdəki müxalif məhbuslara azadlıq tələbini iti bucaqda göstərmək üçün imkan yaradıb.

 

Amma siyasi liderlər və siyasi analizi olan hər kəs bilirdi ki, Mehman Hüseynovun azadlıq məsələsi artıq həll olunub. Məsələn, mən hələ yanvarın 8-də bu istiqamətdəki gedişatı müşahidə edəndən sonra facebook səhifəmdə yazdım ki, artıq onun azadlığı barədə daxili siyasi qərar verilib və yaxın zamanda rəsmi siyasi və hüquqi qərar veriləcək. Məhz bu ssenarini proqnozlaşdırdım ki, Mehmanın ikinci cinayət işi araşdırılıb ləğv edilib, 1-ci işə görə həbsin 2 martda başa çatması ilə azad ediləcək. Bu cür analiz və proqnoz vermiş insan kimi necə deyə bilərəm ki, bu azadetmə ayın 19-da keçirilən mitinqin nəticəsidir?”

 

İ.Altay eyni zamanda bildirib ki, bu mitinq son illərin ən izdihamlısı olmaqla, müxalif elektoratın uzun depressiya yuxusundan oyanışı, canlanmasına səbəb, müxalifətin birliyi üçün impuls, gələcək perspektiv üçün zəmin ola bilər. Amma bunu Mehman Hüseynovun azadlığı üçün konkret səbəb göstərmək qeyri-reallıq və obyektivsizlik olar.

“Mehmanın azadlığında cəmiyyətin narazılığı, müxalifətin etirazları, beynəlxalq təşkilatların etiraz və xahişləri, Mehmanın gəncliyi və özəl keyfiyyətləri, özünün və atasının ölkə rəhbərliyinə xahişi və ölkə rəhbərinin bütün bunları müsbət dəyərləndirməsi rol oynadı.  Ümumilikdə isə bu ölkədə demokratiya və haqq-ədalətə doğru bir addım oldu”.

 

Versus.Az

 

Xəbər lenti

InvestAZ

Ən çox oxunan xəbərlər

Laçının ürək dağlayan görüntüləri - VİDEO

Laçında yaşayan erməni fermerin mal-qara saxladığı görüntülər – VİDEO

“Sosial tədqiqatlar sahəsində bir dönüşün şahidi olacağıq” - MÜSAHİBƏ

Tovuzda gənclər SİQARETƏ YOX dedi

AXCP sədr müavinindən dərslik müəllifinə sərt mesaj

Deputat şəhid ailələri, Qarabağ müharibəsi əlilləri və veteranları ilə görüşüb

Jurnalist həyat yoldaşının müalicəsi üçün ölkə başçısından kömək istədi

ALDP sədrindən nazirə açıq məktub

Deputat gənclərlə bağlı təklif verib

Komandirdən əsgər atasına təşəkkür məktubu

Deputat bələdiyyələrlə bağlı önəmli təkliflərlə çıxış edib

Deputat Qovlar şəhərində sakinlərlə görüşüb

“Bu seçkilərə millətimiz üçün qatıldıq” - MÜSAHİBƏ

Deputat tələbələrlə görüşdə gəncliyə çağırış etdi

Qədim Türkmən şəhəri, hər qarışında türkün izi olan Ərbil