Prezident İlham Əliyevin Nikol Paşinyanla görüşü müzakirə olundu

16:59 23-01-2019 | icon 80 | Siyasət
Prezident İlham Əliyevin Nikol Paşinyanla görüşü müzakirə olundu
 
 

Versus.Az xəbər verir ki, Azərbaycan Milli Məclisin deputatları Davos Dünya İqtisadi Forumu çərçivəsində Prezident İlham Əliyevin Ermənistanın baş naziri Nikol Paşinyanla qeyri-rəsmi görüşü barədə danışıblar.

 

Milli Məclisin Müdafiə, təhlükəsizlik və korrupsiya ilə mübarizə komitəsinin üzvü Elman Məmmədov görüşün müsbət nəticələrinin olacağını bildirib:

“Görüşlə bağlı detallar açılmayıb. Amma ümumilikdə görüş zamanı aparılan müzakirələr Dağlıq Qarabağ münaqişəsinin həlli istiqamətində cərəyan edib. Aparılan bu danışıqlar münaqişənin gələcək istiqamətlərinin müəyyənləşməsində ümumi işin xeyrinə ola bilər. Bildiyiniz kimi, fevral ayında Azərbaycan və Ermənistan XİN başçılarının növbəti görüşünün keçirilməsi nəzərdə tutulur. Fevral görüşü öncəsi Azərbaycan Prezidenti ilə Ermənistanın baş naziri arasında keçirilən qeyri-rəsmi görüş məsələlərin müsbət məcraya yönəlməsində əhəmiyyətlidir”.

Milli Məclisin Beynəlxalq münasibətlər və parlamentlərarası əlaqələr komitəsinin üzvü Rasim Musabəyov da görüşün müsbət nəticələr verəcəyini qeyd edib:

“Düzdür, qeyri-rəsmi görüş idi. Görüşün detalları da açıqlanmayıb. Ona görə də hesab edirəm ki, hələlik nəysə demək tezdir. Ancaq görüş Ermənistan-Azərbaycan Dağlıq Qarabağ münaqişəsinin həlli istiqamətində pozitiv nəticələr verə bilər. Hər bir halda Prezident İlham Əliyevin Ermənistanın baş naziri Nikol Paşinyanla görüşü müsbətdir. Dialoqun davam edilməsi vacibdir və bu, dövlət başçıları tərəfindən də dəstəklənir”. 

Dünən – yanvarın 22-də Davos Dünya İqtisadi Forumu çərçivəsində Prezident İlham Əliyevin Ermənistanın baş naziri Nikol Paşinyanla qeyri-rəsmi görüşü olub. Görüşdə Ermənistan-Azərbaycan Dağlıq Qarabağ münaqişəsinin nizamlanmasına dair danışıqlar prosesinin cari vəziyyəti müzakirə edilib. Görüş 1.5 saatadək uzanıb.
 
 
Versus.Az

Xəbər lenti

InvestAZ

Ən çox oxunan xəbərlər

Olimpiya çempionumuzun Xətai rayon icra başçısından kiçik istəyi

Prezidentimizdən xahiş edirəm - ÜRƏYİM PARTLAYIR

Jurnalistlərimiz Dağlıq Qarabağa niyə GETMƏLİDİR?

Avropaya inteqrasiya müxalifəti bir araya gətirdi.

Tarix DAĞLIQ QARABAĞda qalanan alovdan danışacaq

"Beynəlxalq terrorizmlə mübarizə” mövzusunda keçirilən konfransda

Ermənistanın Qarabağ iştahı artır

AXH parçalanıb - bu da belə getdi...

Uşaqları internetdən uzaq tutmayaq

İncitdiyiniz insanların sayı-hesabı yoxdur

"Filə səs vermək istəyirdim, amma çiçəyə səs vermişəm"

Əli Kərimli-İlqar Məmmədov müqayisəsinə cavab

"Avropa İttifaqı Ancelina Coliyə İrandan daha çox pul ayırır"” 

“Əli və Nino” filmi İndoneziyanın üç şəhərində nümayiş olunacaq

Bulvara giriş bağlanır