Deputat gənclərlə bağlı təklif verib

09:24 13-02-2019 | icon 194 | Siyasət
Deputat gənclərlə bağlı təklif verib

Millət vəkili Qənirə Paşayeva Milli Məclisin iclasında çıxış edərək gənclərlə bağlı önəmli dəyişiklikləri nəzərdə tutan “Gənclər siyasəti haqqında" qanunda dəyişiklik edilməsi layihəsini birinci oxunuşda dəstəklədiyini bildirib.

 

Versus.Az-ın məlumatına görə, Qənirə Paşayeva bildirib ki, bu qanun layihəsində istedadlı, təhsilli gənclərlə bərabər, həyatının müəyyən mərhələsində səhv yola düşmüş, zərərli vərdişlərə qurşanmış gənclər və ya gənclərin həmin zərərli vərdişlərə qurşanmasının qarşısını alan tədbirlər nəzərdə tutulur ki, bu da çox vacibdir və tütünə, narkomaniyaya, qumar oyunlarına qurşanmış gənclərin sayının artmamasına öz təsirini göstərəcək.

 

Millət vəkili bu zərərli vərdişlərə qurşanmış gənclərin xilas edilməsinə yönələn addımların nəzərdə tutulduğunu vurğulayıb:

 

“Mən də hesab edirəm ki, bu qanun layihəsində nəzərdə tutulan vacib müddəaların həyata keçirilməsinə müvafiq qurumlar daha da fəal olmalıdır və ciddi nəzarət etməlidir və həmin qurumların məsuliyyət məsələsi də bu sənəddə öz əksini tapmalıdır. Bu qanun layihəsində qeyd edilən 18 yaşına çatmayan şəxslərə tütün məhsullarının satışının qadağan edilməsi digər qanunvericilik aktlarımızda da nəzərdə tutulsa da, çox təəssüf ki, buna riayət edilmir. Məsələn, qanunla siqaret satılan köşklərin məktəblərdən hansı məsafədə olması ilə bağlı qanunvericilikdə müəyyən tələblərin olmasına baxmayaraq, hələ də bir sıra məktəblərin yaxınlığında həmin köşkləri görmək mümkündür. Bu kimi hallara son qoyulmalıdır”.

 

Q.Paşayeva qeyd edib ki, qanunda qadağan edilməsi nəzərdə tutulan 18 yaşına çatmayan şəxslərin idman-mərc oyunları ilə məşğul olması sahəsinə nəzarət edən qurumların daha məsuliyyətli olmalarına ehtiyac var:

 

“Bu kimi hallara imkan verməməlidirlər. Bu qanunun bölgələrdə də icrasına böyük ehtiyac var. Bu qanunda cənab Prezidentin gənclərlə görüşündə verdiyi çox önəmli mesajların öz əksini tapdığı, gənclərimizin məşğulluq, asudə vaxtlarının səmərəli keçirmələri, gənc alimlərimizin vəziyyətinin yaxşılaşdırılması kimi məsələlər nəzərdə tutulduğu üçün bu qanun layihəsini dəstəkləyirəm.

 

Versus.Az

Xəbər lenti

InvestAZ

Ən çox oxunan xəbərlər

Olimpiya çempionumuzun Xətai rayon icra başçısından kiçik istəyi

Prezidentimizdən xahiş edirəm - ÜRƏYİM PARTLAYIR

Jurnalistlərimiz Dağlıq Qarabağa niyə GETMƏLİDİR?

Avropaya inteqrasiya müxalifəti bir araya gətirdi.

Tarix DAĞLIQ QARABAĞda qalanan alovdan danışacaq

"Beynəlxalq terrorizmlə mübarizə” mövzusunda keçirilən konfransda

Ermənistanın Qarabağ iştahı artır

AXH parçalanıb - bu da belə getdi...

Uşaqları internetdən uzaq tutmayaq

İncitdiyiniz insanların sayı-hesabı yoxdur

"Filə səs vermək istəyirdim, amma çiçəyə səs vermişəm"

Əli Kərimli-İlqar Məmmədov müqayisəsinə cavab

"Avropa İttifaqı Ancelina Coliyə İrandan daha çox pul ayırır"” 

“Əli və Nino” filmi İndoneziyanın üç şəhərində nümayiş olunacaq

Bulvara giriş bağlanır